DAHARUSMO 6:8 - Biblía Axweesantá Hhohho' ar Mungú 2004

⁸ Xáy sagaloousmo a tsiníhe ta daktanto? Nee heé liitlakusmo gár i slay a milá? Tam adór hotaangw ngi xui.

DAHARUSMO 6:8 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 116:9

Daxta an hoót ar adoodá' AAKOÓ MUNGÚ i slai, baraá yaamaá múk slaáf wa ale.

AXWEESANOÓ SAGALOOA 19:1

Tsiní hee bar narkutmo inós bir daanqamisúr hoot ta daktantá sagagawdúr axweesa.

DAHARUSMO 5:11

Daqaari'iima barka ur, múk ta /aymis ku úr. Ala heé daqaari'iima loó' slaaslawár i slay a milá, aqo gan ilár ga/áyke kilós?

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.