DAHARUSMO 6:6 - Biblía Axweesantá Hhohho' ar Mungú 2004

⁶ Na/aywí a tsiní ta heedaádá' amohhooár koomakahe, tam aa hooti kureeri kume tsare. Xáy, inooín tsaraawo amór ta kay a wakekáhe?

DAHARUSMO 6:6 Iomraidhean Croise

IIMU/UUNGW 5:5

Kureeraá Adam aa hoót a tsiire gwaleél nee mibeeraá tám, inós iri gwaá'.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 30:23

Aníng aga tsaáhh daxta kuúng in gwa'arárar slá', dír do'odá' ta amohhe'eés as umuúqo hee.

YOBU 7:7

Inslawiím, slafingw'eé' aqo adór hiinsluú tawo, hhooeema i baloó araaká.

WARA'AMI 34:12

A heemá heé slafíngw slaá'? A heemá heé hootaá amohhooa awa deelór yaariir gi slaá'?

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 2:14

Heé sagaloó' ilaá xumsi gi kón, ala heé daktani in baraá giwtír wá hi'iimiit. Tam adoorihe ngari tsaáhh adór alhhe'eesoó heé sagaloó' nee oo daktani tar wák.

DAHARUSMO 3:20

Inooín sleémeero amór ta kay a wak. Inooín sleémeero dír i dahhiya' a baraá hhape, nee inooín tan kii/ baraá hhape.

DAHARUSMO 6:3

Barnaxes hee na/aá tsiiru gaa laqwaál, nee iri hoót kureeraá yaariire, iri hoót deelór yaariire, ala inós amohhooár hotaangw gaa slayká, nee iwa gwaá' kwaa fooliiká, aníng a kah, gurkwahhama a tsiní ta heewihe.

DAHARUSMO 6:5

Slám malé ale, na/oó adoorí gwa/aateemaá looa gaa ariiká, laqaá gár aa tsaáhh i káhh. Tam inós hungu/uma gi sláy ta heedaádá' taa fooliikahe.

DAHARUSMO 7:2

Tsiní heé aa qaytsuú ay amór doó hee iwa gwaá', ta tawa daqeera amór doó deelór úr kawa qaás. Asma gwa'ara an alhhe'eesaay oo muu sleémeero, i ganá' múk slaáf tí binga insláy baraá muner'ine.

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

ISAYA 65:20

Gwa'arár na/oó qawri i baloó ki/ká. Laqaá bariise sleeme i qatlká qoomar'ín bira xeeriiká. Heé kureeraá tsiiruú wák bira gwaá' adoorihe an na/aay. Ala heé tlaákw oo kureeraá tsiiruú wák gaa ay kwaa lu'ús

ISAYA 65:22

Inooín maraay ngi tleehhiaaká as múk hatlá' ngiwa i hotaá ay, laqaá balaangw ngu dahasiaaká múk hatlá' guri /aay. Asma muk'eé' kudá' naa tsawaár, kureeraá yaariir kin ló'wa hoot, adór kureeraá xaai i hotatina'. Muk'eé' oo naa tsawaár gadiyér dabaaín ngin saqwalaala/iyá'.

YEREMIA 17:6

Heewí a adór xwansliito'ór baraá xaanxaay, gár hhoo' ga baloó ariiká. Inós in hotaá áy baraá darmuú aa qor'oot, baraá yaamaá hharkí awa muu i hotaatinká.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.