DAHARUSMO 6:2 - Biblía Axweesantá Hhohho' ar Mungú 2004

² Mungú bar hee ngwaa daqaari'iimár i haniís nee ilaiwa/ame dír geeraá muko, nee gár kuwa /aár i káhh baraá hotaawose ar i slai, ala Mungú gu aleesleemuú i hanisiiká daqaari'iimadá' ngiwa /ayi, aqo heé xuaawásl gan /aay. Gaarí a tawór huwisha, nee a gár ló'wa slahh'eemiis.

DAHARUSMO 6:2 Iomraidhean Croise

1 WAAWITÁ 3:13

Hám sleeme muruudá' taa firiindiiká ngu haniís, daqaari'iima nee ilaiwa/ameero, gawaá adoorihe waawutmoó nee kuúng alqoomá' i kakaahh baraá hotaawoge.

1 QOM'I 29:25

AAKOÓ MUNGÚ Solomon gway iia tleereés ta waawituú hatlá' aa giirin ba/a baraá yaamaá Israeliro, gway diihhooárií haniís waawituú hatlá' ba/a kudá' tlahh'aá Israeli gaa sawaawuti'ini.

1 QOM'I 29:28

Inós iwa gwaá' a aakoó aa dimaay hhe'ees, a daqaarmo nee a heé ta ilaiwawa/i. Garmaawós Solomon kitaangós oo waawuti'iima guna óh.

2 QOM'I 1:11

Mungú Solomon guri mu/aywaáts, nguri báy, «Kuúng tsawdór taa tléhh i ganá'. Asma tí taa firiín iwa baraá muunaáwók i diri', ala daqaari'ima aga firindiiká, laqaá diihhooa, laqaá ilaiwa/ame, laqaá wakuuseerók kawa hhaamis, laqaá hotaá tleer, ala kuúng gár taa firiín a sagalooa nee xu'uti as muk'eé' kuwa sawaawuti'iin, mukdá' aníng kuúng uwa waawutmooín wa qaás.

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 73:7

Tlakweema in baraaín wa ti'imiitiyá'. Inslawoó tlákw aa baalín baraá muner'ine.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 5:13

Gár tlaakw baraá yaamuwo ar naa ár a tí, hee daqari'iima ga tleéhh ar ilakaahaara, alhhe'eesaywo guri baraá tsaxwáy dahás.

DAHARUSMO 5:16

Tí sleeme a gár ló'wa tlaakw baraá yaamuwo, adoodá' hee nira hardáh an adór ir tlay, inós ina dawimamiít as fur'a ngiwa gusiisin, hameerós gari tawó xiints.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

DAHARUSMO 5:19

Umuú hee kudá' Mungú aa daqaari'iimár i haniís nee pa/ángw ngiwa saqwalalaa/i, daqaari'iimarós tidá' a dabaawós ar tleéhh, sluufay ngu ooi as slaasláwarí, tí an qeemuú Mungú.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

WA/AA/I 5:2

Aalirén kaa haniís dír dahaaye, marayrén kin hoot nee múk hatlá'.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:43

«Hoomoodá' baraá yaamuuwók hoot /uuru gun slasláy bartaqaáqae kuúng an neehuumít.

HAR'OHUUSE 18:10

Bar aga tleeré' múk hoót ar wayda nee saxareemo un i hardatá'. Yaamuudá' ki ur, asma a yaamaá Mungú naa dabaahúngií qaás. Umuúqo gaaro i deer, umuú gár dáw baraakaá yaamuwo i /aaruraaká.»