DAHARUSMO 6:12 - Biblía Axweesantá Hhohho' ar Mungú 2004

¹² Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 6:12 Iomraidhean Croise

1 QOM'I 29:15

Asma atén a adór dahaaye nee múk waaraáhh geeraawoge ar adoodár baabi'iirén sleémeero. Deelór hotaarén baraakaá yaamuwo a adór mahhtuú waaraáhh, harahhifór hota i káhh baraakae.

YOBU 14:2

In adór /aamiito'ór wa gaanslár uráy, iri gwaa', In adór mahhatír wa gaanslár ta'aaín, iri kahhuut.

YOBU 14:21

Na/iiwós birka ilaiwaá/, inós gár i xui i káhh, birka daáhh inós gár i ara'ari i káhh.

YOBU 8:9

Atén a múk lata'aáng, ma xuaán, slafingwrén baraakaá yaamuwo aqo mahhtuú waaraáhh.

WARA'AMI 102:11

Slafingw'eé' i waaraahh adór geehhantmoó tsiindo wa ale. Aníng ana káh adór gitsór wa ale.

WARA'AMI 109:23

Ana ilaá wa qwaár adór geehhantmoó tsiindo wa ale, tina kwaáhh adór tsaxwaay.

WARA'AMI 144:4

Hee a adór tawo, deeloorós a adór hhaantamoó waraáhh.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 17:15

Ala aníng kuúng u ár, asma gár naa dakuús i káhh. Qoomár binda tláw an haáts qwal/uwo, asma a dinkwa nee kuúng.

WARA'AMI 4:6

Awa yaariir i kaahiya', «Heé hhooa ngi atén i laqaám a heemá? AAKOÓ MUNGÚ, atén ti i qaytsit ar gurtleemu.»

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

WARA'AMI 89:47

Inslaweek, hotaaeé' kuká' niina, kuúng atén tina tléhh as tawa qatlaan.

DAHARUSMO 10:14

Daktani in tawo booró'. Tam hee gár aluúwaá tleehharuut ga xuiiká. Heé gu ádbáw kángw aluuwós wa tleehharuuta.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

DAHARUSMO 2:3

Aníng ana baraeé' oó', adór slaqwa ngir qwal/aas ar xufta, slám amooqaáqae inslaway'eé' ku geeraharahaar nee sagalooa, nee adór nee daktu'uuma tir koomaan ngiri aldaákw, as gár hhoo' ngiwa ar, ar muu i aleeslay tleehhamoro gawaá daanduú yaamuwo har afiqoomár slafingw'ín kwí niinawe.

DAHARUSMO 3:22

Gawaá adoorihe aníng ngay tsaáhh gár ganaa' dír heewo ar tí ga baa/ i káhh, tí hee gadiyeérós ngiwa saqwalalaa/i, asma gaarí an hariímarós, asma gár hee gu slaw amór aluuwo heé ga xuú' i kaahh.

DAHARUSMO 6:11

Axweesanoó yaariír a tawór huwisha, gár hee nguwa bui a milá?

DAHARUSMO 7:15

Muruú yaariír ugwa ár baraá hotaeé' kuká' liitlakwe, heé hota ganaá i deer oo aa gwaa' tam inós i ganaai, heé tlaákw i deer oo hotaatiím tam inós ku tlaakwe.

DAHARUSMO 8:13

Ala amohhooa i káhh dír heé tlaakwe, slafiingós in adór mahhtír wá waraahh i tleereesiiká, asma inós dír geeraá Munguhe ilaiwa/ame ga konká.

DAHARUSMO 8:7

Asma hee gár aluúwaá hi'iit ga xuiiká, xáy, heé kángw aluúwaá hi'iít dirósí xu'utisaro gu aleesláw a heemá?

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

DAHARUSMO 9:9

Slafiingók saqwalaala/eek nee hareerók tidá' taa slá', deelór hotaawók kukaá taworo, kuká' Mungú naa haniís baraakaá yaamuwo. Asma tí an gár tinda kuúngí haniís baraá slafiingoge nee baraá gadiyeeduwoge barakaá yaamuwo.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.