DAHARUSMO 5:6 - Biblía Axweesantá Hhohho' ar Mungú 2004

⁶ Afkók harmagahheek muwa dahaás baraá tlakweemáy ale, aluuwo malaykamo kuri beer, «Gám afa iga baá/.» Asma milá gár Mungú is buhhi as afkók, nee gadiyér dabaawók gari hhitín.

DAHARUSMO 5:6 Iomraidhean Croise

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

AXWEESANOÓ SAGALOOA 23:17

Adoodá' múk tlákw ir hooti muunaáwoge ma waatlakwesaar. Ala kumiít AAKOÓ MUNGÚ kuwa ilaiwawa/ deelo sleémeero.

DAHARUSMO 10:12

Axweesantá heé sagaloó' inósuú kilá' gun /ís, ala axweesantá daktani slafiingósuú kilá' gun qwaarés.

DAHARUSMO 3:14

Aníng a xuú' adór gadiyér Mungú ir hhitirutká. Gár ta doogi i káhh, laqaá ar ta /aareesi i káhh sleeme. Asma inós adoorí gana tleéhh as kuwa ilaiwawa/i.

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

TLAHHOÓ LAÁWI 4:22

«Barnaxes geeraharusmo tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ, Munguúwós, ti slawa'aaká gari tleéhh, inós iri dakuús.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 15:25

Kaahamusmoó Mungú haraki/isa gan tleehh as daanduú dinku'uuma sleémeero ar Israeli, inooín kiri gurtláy as dakuúsadá' ar pa/aayo, nee ilahhooar'ín ngi huwiye', ilahhooár ta da/i dír AAKOÓ MUNGÚ, nee ilahhooár tlakweema hingeesa as daanduú dakuúsadá'.

1 Korinto 11:10

Gawaá adoorihe /ameeni gár kawa hariím masók sagós gun tuntukuún as kawa laqan adór inós kar baliít. Adoorí ngi tlehhit as malayke.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Yakobo 1:26

Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

2 Yohana 1:8

Kuungá' ti harmagahhe', gadiyérhúng tidá' taa tlehhé' bu'utuuwós miwa qwaár, as kahhó' kuungá' bu'utuudá' hariím kuwa adá wa sleera'.