DAHARUSMO 5:4 - Biblía Axweesantá Hhohho' ar Mungú 2004

⁴ Kuúng al'axweesani bara ó' dír Mungú i alé, ma tligaar boo/eesaro, asma inós ku qwal/atimisiiká nee múk daktana. Gimáy al'axweesantadá' boo/eeseek.

DAHARUSMO 5:4 Iomraidhean Croise

IIMU/UUNGW 28:20

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

IIMU/UUNGW 35:1

Munguú Yakobo guri báy, «Tláw, tsa/ám ay yaamaá Beteli, ta amoodá' wa hót. Nee amoodaádae aníng ir kitángw ilahhooárí tléhh. Aníng a Mungú kudá' ugwa i ti'iit qoomár Esau hhiyaawók kuwa ilaagóp.»

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 22:25

Baraá dinku'uumár ure án kuúng un xirfayeemiís. Al'axweesante'eé' an boo/eés, dír geeraá kudá' kuúng ilaiwawa/a'a.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

AXWEESANOÓ SAGALOOA 20:25

A dakuús hee iwa gaanslár ooi, «Gaarí a haniís dír Mungú.» Aluuwo iri aluúwaá gurbo/áy gadaádá' haniisaro.

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

FAARO 30:2

Hee barnaxes al'axweesani gaa oó' dír AAKOÓ MUNGÚ, laqaá bar lo'o gana /aáy ar al'axweesani ngiwa tseék, inós gár kuwa hariím a al'axweesantadá' gan boo/ees ar adór al'axweesantadá' afkose aa káh.

Matayo 5:33

«Slám aga axasé' adór bariisér bál geera kara báy, ‹Lo'o bara húp dír geeraá Munguhe, al'axweesani kawa boo/es, al'axweesantadá' ma mawaar boo/eesaro.›

Ebrania 10:6

Kuúng ilahhooa aga slaiká, tidár hikwaá ilahhooa kiwa adoodá' alda/i gawaá kitángw sluufaay. Slám ilahhooadá' ta hanmamisi as tlakweema aga slaiká.

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»