DAHARUSMO 5:15 - Biblía Axweesantá Hhohho' ar Mungú 2004

¹⁵ Hee adoodá' kura laqwaál ir tlabaá konká aqo adoodá' ganar kii/, gár i huwi i káhh tam ar wák baraá muruudá' aa tleehhi.

DAHARUSMO 5:15 Iomraidhean Croise

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 15:2

«Ahaá, heé sagalooár koóm axweesani gan mu/aywátsi ar barawaslaay? Ahaá, gár iwa hatsi a boqondaá tawoóro?

WARA'AMI 49:17

Bira gwaá', gár i huwi i káhh, tam xirfuuwós gu eehariiká tam ay baraadá'.

DAHARUSMO 5:14

Gitsa/aá tlakwe daqaari'iimadá' bira hhiturút iri fák, gár aa dakós i met i káhh, slám inós a heé na/oó koóm.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

1 Timoteo 6:7

Asma atén niwa hardahaán baraakaá yaamu, gár ta koomaan i káhh, slám yaamu bir geexawaán, gár tar tlawaan i káhh.