DAHARUSMO 5:10 - Biblía Axweesantá Hhohho' ar Mungú 2004

¹⁰ Heé peésár slaá' i baloó hhe'esiiká peesaaro. Laqaá heé daqaari'iimár yaariir ga slaá' tam ngi slaya i baloó hhe'eesiiká daqaari'iimaro, tí sleeme a tawór huwisha.

DAHARUSMO 5:10 Iomraidhean Croise

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 1:8

Umuú gaaro i slaaqatimís, slaaqamaayér hee ooaro i aslayká, ila xumsooro i hhe'eská, tam iia axamisuwo i hhe'eská.

DAHARUSMO 2:10

Umuúqo gár ilaaeé' naa ilatleeruusiyé' aga mawiiká, muunaáeé' ugwa qwal/uú /itiiká, asma muunaáeé' gadiyeédá' naa tleéhh gana saqwalalaá/, nee tí sleémeero an qeemuú naa sláw as gadiyér'eé'.

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 3:19

Muu nee makaay a wak, asma gadaádá' tlehharuut dír muko an tidá' tlehharuut dír makaywo sleeme. Muu in qaatl, makaay in qatliiyá' sleeme, sleémeero i hiinsliyá', hee makiito'o gár ngir ba/i i káhh, sleémeero a tawór huwisha.

DAHARUSMO 4:16

Mukdá' sleémeero faaror'ín i káhh, inós sleémeero gina sawaawuti'ín. Tam adoorihe mukdá' taa aluú wa laqwaál ngu saqwalalaa/iaaká. Looeemá kilae tí sleeme a tawór huwisha, nee a adór heé fur'a gaa alta'aain.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 5:9

Gawaá tí sleémeerowo waawutmoó gadiyuús an kudá' muu gu ale/iís.

DAHARUSMO 6:7

Hee in gadiyuus as muruú /ayma nguwa slay, ala hee ilatleeriro i baloó hhe'eesiiká.

Matayo 6:19

«Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.