DAHARUSMO 4:8 - Biblía Axweesantá Hhohho' ar Mungú 2004

⁸ Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 4:8 Iomraidhean Croise

IIMU/UUNGW 2:18

AAKOÓ Mungú iri oó', «Hee iwa kilós hooti a gár hhooeeká. Heé nee inós slaqmís un tleéhh, oo alee/iisaywós wa hariím.»

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 39:7

Nee hám heé hatlá' oo ni harahhiif a heemá, AAKOÓ MUNGÚ? Harahhifor'eé' a dirók.

AXWEESANOÓ SAGALOOA 27:20

Gi'i nee hhituru'uuma i baloó hhe'eesiaaká, tam ilaá hee sleeme i baloó hhe'eesiaaká.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:8

Umuú gaaro i slaaqatimís, slaaqamaayér hee ooaro i aslayká, ila xumsooro i hhe'eská, tam iia axamisuwo i hhe'eská.

DAHARUSMO 2:21

Asma qoomarkaaro heé gadiyeérós gaa tleehh ar sagalooa nee xu'uti, nee fuquraangw, aluuwo gari dír heé hatlá' i geexáy, as ngiwa saqwalaala/i gár aa hamér wa xiintsiiká. Tí sleeme a tawór huwisha nee a gár kángw kilá' wa tlaakw.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 4:7

Aníng nari malé qaytsiít baraakaá yaamuwo gár wák ana ár ar tawór huwisha.

DAHARUSMO 5:10

Heé peésár slaá' i baloó hhe'esiiká peesaaro. Laqaá heé daqaari'iimár yaariir ga slaá' tam ngi slaya i baloó hhe'eesiiká daqaari'iimaro, tí sleeme a tawór huwisha.

DAHARUSMO 5:9

Gawaá tí sleémeerowo waawutmoó gadiyuús an kudá' muu gu ale/iís.

ISAYA 5:8

Tsaxwaaín kudá' doó dogiitá' daanduú kuqá' wa ale, nee kudá' qaymór dooslá' bihhaá qaymór hatlá', tam pa/aangw iri qwaár oo múk hatlá' baraá yaamuwo, asma umuú diiro ana toohúng tlehhé'.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

1 Yohana 2:16

Asma umuúqo gár baraá yaamuwo, adór ilatleerír slaqwa, nee ar ila', nee daqaari'iimár muu gwa daara/ángwár eer, muruuwí i amór Mungú dahhiiká, ala a muruú baraá yaamuuká'.