DAHARUSMO 4:4 - Biblía Axweesantá Hhohho' ar Mungú 2004

⁴ Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:4 Iomraidhean Croise

IIMU/UUNGW 26:14

Bee/aangw nee hikwa gi kón, nee sagadiyuusér yaariir, tam múk Filisti gur'e guri ohiín.

IIMU/UUNGW 31:1

Yakobo qununu/oó na/aá Labani guna axaás, tawa kaahi, «Yakobo daqaari'iimár baabuúrén sleémeero gana ar tláy, taa daqaaritiís ar daqaari'iimár baabuúrén.»

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 2:21

Asma qoomarkaaro heé gadiyeérós gaa tleehh ar sagalooa nee xu'uti, nee fuquraangw, aluuwo gari dír heé hatlá' i geexáy, as ngiwa saqwalaala/i gár aa hamér wa xiintsiiká. Tí sleeme a tawór huwisha nee a gár kángw kilá' wa tlaakw.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 4:16

Mukdá' sleémeero faaror'ín i káhh, inós sleémeero gina sawaawuti'ín. Tam adoorihe mukdá' taa aluú wa laqwaál ngu saqwalalaa/iaaká. Looeemá kilae tí sleeme a tawór huwisha, nee a adór heé fur'a gaa alta'aain.

DAHARUSMO 6:11

Axweesanoó yaariír a tawór huwisha, gár hee nguwa bui a milá?

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

Matayo 27:18

Asma inós gaa xuú' adór gár Yesu kungu sa duúx tar da/i.

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.