DAHARUSMO 4:12 - Biblía Axweesantá Hhohho' ar Mungú 2004

¹² Tam heé wák kuqá' ngur ba/i, ala múk tsár heé wák kun arbaa/ ar gaanslaay, hhutleemaá tám awa ta dinkwaárí hhuútl ki gawit.

DAHARUSMO 4:12 Iomraidhean Croise

2 SAMUELI 23:16

Mukduú miguusér Daudi tamaawo tana ti'iít, tari tseegiís ar baraá tla/eeraá xafaaduú slaqwaruusér Filisti, ma'aay kiri hheék baraá hhalangwduú Betilehemu, kuduú dír afkú gixsa, kingiri huúw amór Daudi. Ala Daudi ma'aydá' gina sií' wahto. Giri yaamií ku'uús as tawa ilahhooár i haniisi dír AAKOÓ MUNGÚ.

2 SAMUELI 23:23

Naagáy Benaya tari heé iia tleér baraá tla/ángw kudaá mibeeraá tám awa miguuseero. Ala tam adoodár miguuseedá' tám ngaa aykahe. Ala Daudi guna qaás tawa geeraharusmoó úr oo mukós kuduú xuumuuseerós.

2 SAMUELI 23:9

Heé aluudá' gaa haar a Eliasari, garmoó Dodo, oo tlahhoó Ahohi. Inós a heé wák baraá tla/ángw mukdá' tám oo dinkwa nee Daudi, qoomár múk Filisti kuwa /ooslín, qoomár niwa burumburitiyé' as slaqwara. Múk Filisti kuri ilagoów nee múk Israeli.

DAHARUSMO 4:11

Slamí múk tsár bira qaát dinkwár i ale axwnáy ku sláy. Ala heé wákleelí dír axwnáy nguwa kilós slay a diimá?

DAHARUSMO 4:13

A tsiní masoomoó narkutmo oo sagalooár koóm ta waawutmoó aako oo daktani oo gurbu'utá ya/a/amaaká.

Efeso 4:3

Wakleeli'iimarhúng ló'wa harmagahhaak, tidá' Qeeru naa haniís ar kuungá' kiloohúng tawa baraá wayduú wa hota'.