DAHARUSMO 3:7 - Biblía Axweesantá Hhohho' ar Mungú 2004

⁷ Qoomár fehhaamis nee qoomár hirit. Qoomár xasliita nee qoomár axweesani.

DAHARUSMO 3:7 Iomraidhean Croise

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

IIMU/UUNGW 44:18

Naagáy Yuda Yosefu guri i tseewúy guri báy, «Aáko, án ya/aamáng tiwa aleekalaa/. Án kuúng u firiím mi i buhhaar, asma kuúng aqo adór Farao sleeme.

IIMU/UUNGW 44:34

Adór ki/imaá amór baabuúeé' ngir aleeslaw, bar nee garmaawí ti alkoomanaaká? Aníng qitla u aleeslawaaká slahh'amuudá' baabuúeé' gu sláw nguwa ar.»

2 SAMUELI 1:11

Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 3:31

Waawutmo Daudi Yoabu nee mukdá' sleémeero dinkwaárií diriiá', giri ádbáy, tlabaaín kiwa feehhamiisi, tlabaá guniyadu kiwa tsiiti, ta tsuunqumiisi as gwa'arár Abneri. Qoomár kuwa foolár ay, waawutmo ina alaá tuuaadá' wa eeharín.

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

2 WAAWITÁ 18:36

Ala muu ina qartlamiít tam heé /aymu gwa tlaaxw i kaahh, asma waawutmo Hesekia mu guna báy, «Axweesantós ma tlaxwaara'.»

2 WAAWITÁ 5:7

Waawutmoó Israeli barwito'oodá' ngiwa soomuús, tlabaawós giri feehhamiís, iri oó', «Ahaá inós ngi xui aníng an Mungúhe, kudaádá' hee gu gaás nee gu slafís, tam waawutmoowuú Aramu niri amor'eéní ya/abín as heewuú tiqtír tsatmit nguwa hungu/uus. Gám ga/aa/awaak heewí i gilaá leeleehhiit dir'eéní aleeró.»

2 WAAWITÁ 6:30

Waawutmo adoorí ngiwa axaás tidá' /ameenidá' i kat, tlabaawós giri feehhamiís as gurhaami, inós i gawaá ságw koo/ír wa hi'imiit, muu inós guri ár tlabaá guniyudu' ngiwa tsiít.

ESTA 7:4

Asma atén taa haniís, aníng nee muk'eene as tiwa hhaamisi nee tiwa tsu/i nee tiwa suquy. Alók geeraawo atén tin lawaalér /ameena nee hhawaate tleehh, alók a dir'eéní xasliít, tam adoorihe slahh'amuurén ku alqoomeesiiká nee basloó waawutmo gu sláw.»

YOBU 2:13

Niri baraá hhapeérí iwiitiyé' dinkwa nee Yobu deelo faanqw, tlatla/aangw nee xweeraawo, tam gár naa dirós i ooiyé' i káhh, asma adór slahh'amuuwós kur úr kana ár.

WARA'AMI 39:2

Aníng an adór afaa wasli, ana xasliít, ala amohhooa a slaslawaaká, nari ló'wa slahhaá'.

DAHARUSMO 3:6

Qoomár leelehhit nee qoomár qwaareemis. Qoomár amohhe'eemis, nee qoomár kwakwahh.

ISAYA 36:21

Ala muu ina qartlamiít, oo axweesantadá' gaa tlaaxw i kaahh asma waawutmo gina hara'ayín ina oó', «Ló' ma /aymu tlaxwaara'.»

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

YEREMIA 8:14

Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

WA/AA/I 3:28

I kilós iwiiti, i dirósií xasliiti, barnaxes Mungú slahh'amuudá' guna haniís.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

AMOS 5:13

Gawaá adoorihe heé sagalooa ina xasliit qoomaadae, asma qoomaadá' a qoomár tlaakw.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

MIKA 7:5

Inslaawmoowók mu harahhiifaar, nee mulqumoowók mu harahhiifaar. Afkók de'eemeek tam dír hareeroge, tidá' ta sla' nee kuúng alguaaimá'.

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

1 SAMUELI 10:16

Ala Saulo baabuú niináwós guri báy, «Ngina oó' ar adór gwa/aat, adór daqwaayeedá' kara sláy» Ala kángw waawuti'iima kudá' Samueli aa inós báy ngwa ooiiká.