DAHARUSMO 3:4 - Biblía Axweesantá Hhohho' ar Mungú 2004

⁴ Qoomár /aa/e nee qoomár qaseengw. Qoomár tsuunqumis nee qoomár neeto.

DAHARUSMO 3:4 Iomraidhean Croise

IIMU/UUNGW 21:6

Sara iri ó', «Mungú aníng ina qwal/atís, nee umuúqo heé adoorí ga axaasi nee aníng an al qwalaala/aán.

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

DAHARUSMO 3:5

Qoomár tlaa/e tlaqut nee qoomár tlaa/e kiwa dinkwaárí burumburin. Qoomár ma'amis nee qoomár ma'amisuwooká.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

ISAYA 40:1

Munguúhúng i kaahi, «Muk'eé' gurkwa/asak, inooín gurkwa/asak.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

Matayo 11:17

ta kaahi, ‹Filiímbi ngiwa ufaahhaán, aga neti'iiká, tawa tsuunqumisaán, aga /a/i'iiká.›

Matayo 9:15

Yesu gari báy, «War/aá heé duuxuuxuúm adór ir tsuunqumiisiya' a doomá, qoomár bar ta dinkwárií dirii' nee heedaádá' duuxuxuúm? Ala deelo i hardát ar heedaádá' duuxuuxuúm kuwa hingeesi. Daqaní an qoomár inooín tawa sangw gwaawin.

Luka 1:58

Inslaawaywós nee mar'eefoowós kari axaás adór Aako ngira ló'wa gurtláy, sleémeero nee inose tari alqwalalaá/.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Yakobo 4:9

Gurhaamuuté', nee tsuunqumisé', nee /aa/amiimé'. Qasengwhúng i warqay tawa tsuunqumis, nee qwal/uuhúng i warqay tawa gurhaami.