DAHARUSMO 3:3 - Biblía Axweesantá Hhohho' ar Mungú 2004

³ Qoomár tsu/uta nee qoomár hungu/uumis. Qoomár fe/it nee qoomár tlehhma.

DAHARUSMO 3:3 Iomraidhean Croise

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

HAGAI 1:2

Hagai iri oó, «AAKOÓ MUNGÚ Aleesleemusmo i kaahi, mukwí mis kaahi, ‹Qoomár Doó AAKOÓ MUNGÚ nguwa tleehhaan aa xeeriiká.› »

HAGAI 1:4

«Xáy, qoomaarí an qoomár kuungá' tawa hotá'a baraá maraá taa parootuús wa alé ar peehháy, amorqae do'owí i baraá hhituruutár wá iwiwiit.»

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.

1 SAMUELI 2:6

AAKOÓ MUNGÚ i tsu/uut, inós i slafíngw tlehhiit, gin /aytiis baraá gi'i, slám ngi male gáwtí huuw.