DAHARUSMO 3:22 - Biblía Axweesantá Hhohho' ar Mungú 2004

²² Gawaá adoorihe aníng ngay tsaáhh gár ganaa' dír heewo ar tí ga baa/ i káhh, tí hee gadiyeérós ngiwa saqwalalaa/i, asma gaarí an hariímarós, asma gár hee gu slaw amór aluuwo heé ga xuú' i kaahh.

DAHARUSMO 3:22 Iomraidhean Croise

YOBU 14:21

Na/iiwós birka ilaiwaá/, inós gár i xui i káhh, birka daáhh inós gár i ara'ari i káhh.

DAHARUSMO 10:14

Daktani in tawo booró'. Tam hee gár aluúwaá tleehharuut ga xuiiká. Heé gu ádbáw kángw aluuwós wa tleehharuuta.

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 2:18

Muruudá' sleémeero naa tleéhh baraá yaamuwo ngway aáhh, asma uqo geexáw dír heedaádá' aluueé' wa hardáh.

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

DAHARUSMO 8:15

Aníng qwala/ una xirfayeés, asma hee gár gu qwal/aas i káhh baraá daanduú yaamuwo, aqo har /ayma nee wahaangw nee qaseengw. Tí kilós an gár hee i aleeslay tleehhamooro baraá gadiyeeduwose baraá slafingwí Mungú aa dirósí haniisi baraakaá yaamuwo.

DAHARUSMO 8:7

Asma hee gár aluúwaá hi'iit ga xuiiká, xáy, heé kángw aluúwaá hi'iít dirósí xu'utisaro gu aleesláw a heemá?

DAHARUSMO 9:12

Heé baalaarós ga xuú' i kaahh, aqo adór siyó kur ohaahin gitsa/aá tlaakwe nee baraatsufaay, nee adór tsir/i kar ohaahin nee naqfí, an adór muu kur haraxopiiti ila nee tí, nee qoomár tlaakw.

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

DANIELI 12:13

«Ala kuúng, aá Danieli, tláw, hoót ay dír tay gwa', ta hungu/ús baraá /aanta, nee qoomaadá' birna xeér, tu waslee/atis, nee turi aalirók i haniis.»

Matayo 6:34

Gawaá adoorihe muruú matlo mu sadaawimitaara', asma ar matlo looarós ngisa tleér. Umuúqo baalaaro i daawiitimeerós koón ar bu'uut.»

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 28:47

Asma AAKOÓ MUNGÚ, Munguúwók kuúng una tsuúq baraá umuú gaaro, ala kuúng inós ugwa sagadiyuská ar muunuú qwala/ nee oo gurhhooa.