DAHARUSMO 3:2 - Biblía Axweesantá Hhohho' ar Mungú 2004

² Garka a qoomár hee kuwa laqwaál, nee ar hee iwa gwaai, qoomár dahasiingw nee qoomár bu'uungw.

DAHARUSMO 3:2 Iomraidhean Croise

IIMU/UUNGW 17:21

Ala alqador'eé' an gawdeés dír Isakawo, kudá' Sara i xwayluúr kurko qoomár adór tihe.»

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

1 WAAWITÁ 13:2

Heedaádá' kitangwdá' guri lu'ús iwa kaahi, «Aá kítaangw, AAKOÓ MUNGÚ i kaahi, ‹Na/aay ku laqwaal baraá tlahhoó Daudiwo, umuuwós ku bay Yosia. Inós kaahamuusér diirí wa gadiyuus, tidá' mooyángw tsuú' da/a/aam gawaawók i ale, inós kaahamuseerí ga ohín, gari daa/ gawaawók, nee fadaá muu gi gawaawók i daa/.› »

2 WAAWITÁ 4:16

Elisha gari báy, «Kurko qoomár adór tihe kiíng garma u umiín.» /Ameenidá' iri ó', «Aasla'áy, aakooeé', kuúng a heé Mungú, anír sagadiyuso'oorók mi al/agimaar.»

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

YOBU 14:5

Deelór hotaá hee kaa qoomeés, Aá Mungú, kuúng faarór slahheeriiwós aga qoomés. Hartsatangwdá' kuúng taa qás gu waaraahhiiká.

YOBU 7:1

«Hee in hoot ar ditsakwa gawaá daanduú yaamuwo. Deelór hotaawós a adór deelór heé bu'utuú tlaatla/ángw wák.

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

AXWEESANOÓ SAGALOOA 24:27

Gadiyeérók ar tsee/a ala hhe'eeseek tleehhamooro, qaymoorók ala hhe'eeseek dooslaro, daqaní tleehhamór do' ka aluú wá sakí/.

ISAYA 28:24

Heé doósl as iwa dahaasin doosla gaqo tawo laaláya? Qaymo gaqo tawo doósli wa'aá tsare iri malé kii/.

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

ISAYA 38:5

«Tláw Hesekia ku beer, AAKOÓ MUNGÚ, Munguú baabuúwók Daudi i kaahi, ‹Aníng firoorók aga axaás nee hhirhheeriwók iga ár. Ga/aaweek, aníng slafiingók ngwaa doók oo harqoomoó kureeraá mibaá nee kooán.

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

Matayo 13:41

Garmoó Hee malaykeerós ngi ya/aaw, nee malaykeedá' mukdá' sleémeero oo múk gee/asliím baraá tlakweema nee mukdá' tlakweemaá tlehhiít, guri burumbút, guri hingés baraá waawuti'iimár Garmoó Heewo.

Matayo 15:13

Giri báy, «Umuúqo dahaasíngw Baabuúeé' oo gawaá doori aa dahaasiiká, ku tuu/.

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Luka 1:20

Hám ga/aaweegáy, a afawasli tleehhít, axweesani a harslaaqát, ay bál deeloodá' kaangwí i boo/i. Asma axweesante'eé' aga ya/aandiiká. Ala iqo bó/ qoomaarós bira xeér.»

Luka 1:36

Slám malé ale mar'afto'oorók Elisabeti na/oó garmaawo a tsiiháy baraá diimaywose. Slahhaangwí oo lahhoó', inósaadá' geeraawo tawa kaahi a kampeeri.

Yohana 16:21

/Ameeni in gurhaamút deelór xwaylarós binda xeér, asma slahh'amuuduú siiwár xwayla. Ala bira xwayluúr, slahh'amaayeedá' ga insleeraaká, asma qwal/uudá' na/aay kuwa sláy baraá yaamuwo.

Yohana 7:30

Gawaá adoorihe kuri oohár wa slaá', ala heé gwa oh i kaahh, asma qoomaarós aa xeeriiká.

Tlehhema'aá ya/Abuuse 7:17

«Naagáy al'axweesantadá' Mungú aa haniís dír Abrahamu iwa naká/ boo/eesaro, mukdá' iri doogigín, nee iri ló'wa tlaáhh baraá yaamaá Misriro.

Tlehhema'aá ya/Abuuse 7:20

Qoomaadae Mose kuri laqwaál. Inós ku ló'wa hhoohhoó' dír geeraá Munguhe, kuri umín doó baabuúwose slahheeri tám.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

1 SAMUELI 2:5

Mukdá' aáng muruú /aymár koóm aa lawaali'iít, as gár /ayma kawa slay, ala kudá' aáng qwariít hamí i aax, /ameenidár kampeeri na/aá faanqw gaa xwayluúr, ala inósadá' na/aá yaariir gi koom ina mét ar pakáy.