DAHARUSMO 3:17 - Biblía Axweesantá Hhohho' ar Mungú 2004

¹⁷ Aníng nay baraá muunaáeénií oó', Mungú múk hota ganaá' nee múk tlakwe sleémeero gin sakwasleemuut, asma umuú qoomaaro Mungú gana qaás as gaarós nee as gadiyeérós.

DAHARUSMO 3:17 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

DAHARUSMO 1:16

Aníng ana baraeéní oó', «Aníng sagalooár yaariir aga sláw, waawitá sleémeero kudá' aa giirin baraá Yerusalemuro ba/a, eeít, aníng aga intsahhaám baraá sagalooa nee xu'utiro.»

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

DAHARUSMO 2:1

Aníng ana baraeéní oó', «Lakiít, ti kilooeé' qwal/aás.» Ala ngay tsaáhh adoorí bara tleéhh a tawór huwisha sleeme.

DAHARUSMO 3:1

Umuú gaaro i qoomaarós koón, nee umuú qoomaaro i gaarós koón baraakaá yaamuwo.

DAHARUSMO 8:6

Umuú gaaro i qoomaarós koón nee adoorós, tam hee muruú gawdén gwaa al'iilouyi.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

DANIELI 12:9

«Iri mu/aywaáts, ‹Daniéli, hám daxta tláw, asma axweesantí a naaqo nee slám kaa tseék kay dugunó i qaás ay qoomár alhhe'eesaay.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Yohana 5:22

Slám Baabá heé i sakwasleemuuti i kaahh. Ala sakwasleema sleémeero gaa Garmií haniís,

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

1 Tesalonike 5:1

Hháe, ala kángw qooma nee siiwa ar muruuwí i tleehharuuti gár ngis kuungá' i gooiim i káhh.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,