DAHARUSMO 3:14 - Biblía Axweesantá Hhohho' ar Mungú 2004

¹⁴ Aníng a xuú' adór gadiyér Mungú ir hhitirutká. Gár ta doogi i káhh, laqaá ar ta /aareesi i káhh sleeme. Asma inós adoorí gana tleéhh as kuwa ilaiwawa/i.

DAHARUSMO 3:14 Iomraidhean Croise

2 SAMUELI 22:31

Gár Mungú i tleehhi i xaslxanslír koondaaká! Al'axweesantá AAKOÓ MUNGÚ i warqaqeeraaká, inós a baqmoó dír kudá' sleémeero naa amoorósií guwi'i.

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

AXWEESANOÓ SAGALOOA 30:6

/Aymu mu doogaar dír /aymuudá' inós aa ooi As muwa iigahhaát, kuúng tari lamusmo tleehhít.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 5:6

Afkók harmagahheek muwa dahaás baraá tlakweemáy ale, aluuwo malaykamo kuri beer, «Gám afa iga baá/.» Asma milá gár Mungú is buhhi as afkók, nee gadiyér dabaawók gari hhitín.

DAHARUSMO 5:7

Tlata birna tlahhiyé', axweesanoó tawo a gar'ín, ala kuúng Mungú na ilaiwaa/eek.

DAHARUSMO 7:18

Muruuwí tsaraawo ooheek nee mu baloó geexawaar. Asma heé Mungú gu ilaiwawaá/ ku adoorír gawdees.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

DANIELI 8:8

«Aluuwo gurtuudá' tiri kilós xirfayeés ló'wa alé. Ala qoomár iwa ló'wa /uuruú kon xarmoowós kudá' úr iri qeét. Kitángw xarmoodae xareemaá ninakw awa tsiyáhh niri ti'itiyé' awa gehho', umuú xarmoowo ina bartós xuú' badu tsihhaawo awa yaamu.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Tlehhema'aá ya/Abuuse 5:39

Ala barnaxes amór i dahh a amór Mungú, hhitimaro a aleesleera'aaká. As adoorí kuungá' mutunduwa tsaáhh tawa adór múk nee Mungú slaqwá'.» Axweesanaywós kuri ya/án.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Efeso 3:11

Mungú tí sleémeero gana qaás iimír iimu/uungo baraá muunaáwós i alé, as ngiwa boo/eesi ar baraá Kristo Yesu, Aakoorén.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»