DAHARUSMO 3:10 - Biblía Axweesantá Hhohho' ar Mungú 2004

¹⁰ Aníng gadiyér yaariir ar Mungú aa haniís dír muu ana ár, as kahhó' inooín niwa gadiyuusiya'.

DAHARUSMO 3:10 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

DAHARUSMO 11:5

Adoodá' na/aay baraá guruú aayooro ir hinslasliti kar xu'uká, an adoodá' gadiyér Mungú kar aleesleeraaká tsaahharo, inósuudá' mura' sleémeero gu tlehhiít.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

1 Tesalonike 2:9

Hháe, án ngi slaá' kuungá' a insleerá' adór atén gadiyeé kara tleehhaán ar ilakaahara. Asma qoomár atén Ya/abtór hho' kawa alki/iitaán dirhúng i ale, atén an gadiyuumaamisaán tlaatla/aangw nee xweeraawo, as umuúqo heewo dirhunge muwa diitsakwaár ar awaán.

2 Tesalonike 3:8

Asma atén umuúqo doó heé tawa /ayiimaani, heedaádá' bu'uto ugwa mawaaniiká. Ala atén ana ló'wa gadiyuusaán nee ana daawimitaán tlaatla/aangw nee xweeraawo as umuúqo heewo dirhunge muwa diitsakwaár ar awaán.