DAHARUSMO 2:8 - Biblía Axweesantá Hhohho' ar Mungú 2004

⁸ Aníng peésa nee sahaábuú hhohhoe ina burumbuúr baraá daqaari'iimár waawituú hatlá' wa ale, nee baraá yaamuueé' kudá' naa sawaawuti'iím. Daauusér hhawaate nee ar /ameenaaro ana burumbuúr sleeme, nee /ameenár yaariir ar quturmo waslen, tidá' hhawaate i waatlakweemisiya'.

DAHARUSMO 2:8 Iomraidhean Croise

2 SAMUELI 19:35

Aníng laarí kureerieé' a mibeeri dakaát. Xáy, gár hhoo' nee ar tlaakwe aqo alesláwa tsaahharo? Xáy, anuú sagadiyusmoowók, tsu'uú gár ni /aay nee ar ni wahama u tsaáhha? Xáy, afór hhohho' a alesláwa tsaahharo ar /ayluusér hhawaate nee ar /ameenaaro? Asma milá anuú sagadiyusmoowók gár kuúng us al'iiloouw aakooeé' waawutámo?

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

1 WAAWITÁ 10:14

Talaántár sahaábu ar aa hardat dír Solomon kurkú wake a tsiire lahhoó' mibeeri lahhoó' nee lahhoó'.

1 WAAWITÁ 10:21

Xooslár waawutmo ar wahaangw a xooslaá sahaábu, nee ar do'duú baraá gartá Lebanoni sleémeero a sahaábuú hhohhó' xooslár taa tleéhh ar peésa i káhh, peésa ka gár kilá' i harafadiitiiká de'emaá waawutmo Solomonuwo.

1 WAAWITÁ 11:3

Tlaawoó Solomon tay tsiire faanqw, nee /ameenár quturmo wasl a tsiire tám. /Ameenaarí guri muuná warqés loohír Mungú ngiwa may.

1 WAAWITÁ 14:27

Kitángw gaambukae, waawutmo Rehoboamu gaambudaá muqslár sirdaa/aten gina tleéhh, nee giri haniís kiwa xun nee xuumuusér afkú doó waawutmo.

1 WAAWITÁ 9:14

Hiramu kilograámu kume tsiyáhh ar sahaábu gana qaroó huúw dír waawutmo.

1 WAAWITÁ 9:28

Tay hardáh Ofiri talaántár tsiire tsiyáhh nee mibeeri tsár ar sahaábu kingiri amoodá' wa huúw, kari huúw amór waawutmo Solomon.

1 QOM'I 25:1

Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

1 QOM'I 25:6

Inooín sleémeero kina geerahaár nee baabuúín, as iwa daaiya' Doó AAKOÓ MUNGÚ wa ale ar mitingiray, nee ar mariímba nee ar gidaandori as iwa Mungú sagadiyuusiya' baraá do'ós wa ale. Asafu nee Yedutuni nee Hemani nin gadiyuusiyá' ar hara'ayár waawutmo.

2 QOM'I 9:11

Solomon xaaiidá' giri tsa/a/amtór Doó Mungúr tleéhh nee ar do'ose, bahh alé gina gidandooraay nee mariímbár daa'ángw ar tleéhh. Gár adór tí kaa ariiká baraá yaamaá Yudawo.

ESRA 2:65

Slám dinkwa nee tihe lawaalér sagadiyuusér hhawaate nee /ameena i deer, inooín a kume faanqw tsiire tám mibeeri tám nee faanqw. Nee daauuse hhawaate nee /ameenaaro a tsiire tsár.

DAHARUSMO 1:2

Daharusmo i kaahi, Tawór huwisha, tawór huwisha, umuúqo gaaro a tawór huwisha!

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

DANIELI 3:5

‹Qoomár afór xareemi nee ar filiímbiro nee ar gidaandoori nee ar seéseero nee ar mariímbaro nee ar oowiro, nee ar umuúqo xooslár daa'aango bara axasé' aqo gitsee/erhúng an yaamúr otá', nee murslaaqatuú aáng Nebukadnesa aa tleéhh ar sahaábu, guri sihhitís, un ii tumbararaa'atá'.

DANIELI 3:7

Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.

AMOS 6:5

Kuungaásingá daa'ángw gaa wásl daa'á' ar mariímba, ahaá waawutmo Daudi muhar aleealusá' ar xoslaá daa'aangw.