DAHARUSMO 2:3 - Biblía Axweesantá Hhohho' ar Mungú 2004

³ Aníng ana baraeé' oó', adór slaqwa ngir qwal/aas ar xufta, slám amooqaáqae inslaway'eé' ku geeraharahaar nee sagalooa, nee adór nee daktu'uuma tir koomaan ngiri aldaákw, as gár hhoo' ngiwa ar, ar muu i aleeslay tleehhamoro gawaá daanduú yaamuwo har afiqoomár slafingw'ín kwí niinawe.

DAHARUSMO 2:3 Iomraidhean Croise

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

AXWEESANOÓ SAGALOOA 20:1

Difaái hee gun niqár eér, xufta hee gu tsimaahhír ar eér, nee heé muruuwí gu slaá' i sagalooár konká.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 10:19

Muruú /ayma kun qamín as qwala/ nee difaái muu gun qwal/atimís nee peésa muruuwí sleémeero ngun slasleér.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 7:18

Muruuwí tsaraawo ooheek nee mu baloó geexawaar. Asma heé Mungú gu ilaiwawaá/ ku adoorír gawdees.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 8:15

Aníng qwala/ una xirfayeés, asma hee gár gu qwal/aas i káhh baraá daanduú yaamuwo, aqo har /ayma nee wahaangw nee qaseengw. Tí kilós an gár hee i aleeslay tleehhamooro baraá gadiyeeduwose baraá slafingwí Mungú aa dirósí haniisi baraakaá yaamuwo.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

HAR'OHUUSE 9:13

Sabiíbu iri oó', ‹Kuungá' ka xua' aníng gadiyér difaái aqo geexáwa tidá' mungui nee muko gi qwal/atimis niri tsuwa xaa'aá sawaawuti'iimár áw?›

1 SAMUELI 25:36

Abigaili iri wátl amór do', iwa hardát dír do'ose Nabali taa amohhe'eés muruú /aymár úr gwaa tleéhh oo hariímár doó waawutmoó wa ale, Nabali a kuqá' yaanda hhoó', asma aa qaroó ooniít. Gawaá adoorihe gár ngwaa beér i káhh tam ar wák, ay matlaatle iimi iwa /awaakuúr.