DAHARUSMO 2:23 - Biblía Axweesantá Hhohho' ar Mungú 2004

²³ Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 2:23 Iomraidhean Croise

IIMU/UUNGW 3:17

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

ESTA 6:1

Xweeraadae waawutmo gu'ute gwaa otká, sagadiyusmoowós guri ádbáy, kitaábuúdá' taa muruú inslaslángw wa hariímií gooaain nee muruú qom'iiwo kuwa huwi as kuwa dír geeraawós wa soomuusi.

YOBU 14:1

«Heé /ameeni aa laqwál, Deelór hotaawós ka ureeká, slám in hoot ar slahh'amu.

YOBU 5:7

Slahh'amu dír heé taa laqwaali a gár xu'utiit, aqo adór tsitór asla ir gáwtí /akumit.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

WARA'AMI 32:4

Asma xweera nee tlaatla/aango dakók ina al iilooúy. Hame iri al kát, án tari adór yaamaá kaahaar awa qoomár age.

WARA'AMI 90:15

Daxta kureeraá yaariir awa qwala/ huwang, ar adoodá' kureeraá slahh'amu nee waayaaqamu ngira hanís.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:18

Asma baraá sagalooár yaariire, xurér yaariir i deer. Nee heé tsaahhár yaariir gaa slay, inós gurhaamír yaariir gan dogiit.

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 5:12

Heé bu'utuú tlaatla/ángw wák gu'uteerós i tsú', guruuwós tim hatsiiká laqaá tim haáts. Ala daqaarmo tim aaxi gu'ute a ma/iís asma ku daawitimiis nee daqaari'iima.

DAHARUSMO 5:17

Deelo sleémeero hotaawós an baraá giwti nee gurhaami, baraá wayaqaamu nee tiqtír slahh'emiis nee iwa buhhaabuhhi.

DAHARUSMO 8:16

Aníng tí ana aldakuút ar sagalooar'eé' nee ngay tsaáhh gadiyér tlehharumiit baraakaá yaamuwo. Naxés heeko i deer oo gu'ute ga ilií qamaamimaaká xweera nee tlaatla/ango.

DANIELI 6:18

Naagáy waawutmo iri kií/ baraá do'ós, xweera sleémeero ina dal'aa'aát, tam muruú /ayma gwaa afkwár kayká nee gu'ute gaa ilií qaasiiká.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»