DAHARUSMO 2:21 - Biblía Axweesantá Hhohho' ar Mungú 2004

²¹ Asma qoomarkaaro heé gadiyeérós gaa tleehh ar sagalooa nee xu'uti, nee fuquraangw, aluuwo gari dír heé hatlá' i geexáy, as ngiwa saqwalaala/i gár aa hamér wa xiintsiiká. Tí sleeme a tawór huwisha nee a gár kángw kilá' wa tlaakw.

DAHARUSMO 2:21 Iomraidhean Croise

2 QOM'I 34:2

Inós geeraá AAKOÓ MUNGUHE adór ganaa' gana tleéhh, inós loohír waawutmo Daudi gana óh, sleeme aa baloó bihhaá xuiiká.

2 QOM'I 35:18

Deelór Pasaáka ar ur ar adór tí kaa baloó /ayiiká baraá Israeliro iimír aarusmo Samueliwo. Waawutmo tumu wák i kaahh oo deelór Pasaáka gaa tleehh adór waawutmo Yosia wa aleeró, dinkwa nee kaahamuusér Mungú nee múk Laáwi nee múk Yuda sleémeero, nee múk Israeli nee yaamuloouusér Yerusalemuro.

WARA'AMI 39:7

Nee hám heé hatlá' oo ni harahhiif a heemá, AAKOÓ MUNGÚ? Harahhifor'eé' a dirók.

WARA'AMI 49:10

Kár ee, inós gan ar tam adór múk sageloén ir qatli, daktana nee baraawasluuse tan adoodár hhán sleeme, daqaari'iimar'ín kari dír múk hatlá' i geexáy.

WARA'AMI 49:11

/Aantuuín an dír hotangw'ín kureerisleém, an dír hotángw qari sleémeero, tam geeraawo yaamu ngaa kooín tleehhi'i.

DAHARUSMO 2:20

Ala aníng muruudá' sleémeero naa tlehhiít baraakaá yaamuwo nguwa aldaákw baraeene, nari mune sií'.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.