DAHARUSMO 2:17 - Biblía Axweesantá Hhohho' ar Mungú 2004

¹⁷ Gawaá adoorihe aníng slafiingw nguri aáhh, asma umuú gaaro ar tleehharumiit baraá yaamuwo gurhaami ngi huwahúp, asma umuú gaaro a tawór huwisha, nee a adór heé fur'a gaa alta'aain.

DAHARUSMO 2:17 Iomraidhean Croise

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

YOBU 14:13

A tsiní geera bar iga lú/ baraá gi'i, tay qoomár muneerók i pu'ut. Ay dír qoomaadá' naa hanís i fak, nee iri insleér.

WARA'AMI 89:47

Inslaweek, hotaaeé' kuká' niina, kuúng atén tina tléhh as tawa qatlaan.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 2:22

Xáy, hee slaasláwár i slay baraá gadiyeérós sleémeero a milá, nee baraá ilakaaharuuwose baraakaá yaamuwo?

DAHARUSMO 3:16

Dinkwa nee tihe aníng gár naa tsaáhh baraaká daanduú yaamuwo a tí, didá' sakwasleemár ganaa' iwa deér tlakweema i dayá' nee didá' hotaá ganaa'á' iwa dayá', tlakweema iqo dayá' sleeme.

DAHARUSMO 4:2

Aníng nari baraaeéní oó', «Múk amohhoó' a kudá' aa qaatl ta kwí slafa.»

DAHARUSMO 4:3

Ala heé ak amohhoó' ta múk aa qaatli nee kudá' slafa a heedaádá' taa laqwaliiká, asma tlehhmi'iiká' tleehharumiitá' baraakaá yaamuwo gaa ariiká.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»