DAHARUSMO 2:15 - Biblía Axweesantá Hhohho' ar Mungú 2004

¹⁵ Aníng nay baraeé' oó', «Gár heé daktani gu slaw aníng sleeme i sleér. Xáy sagalooár adór tí gár ngis koom a milá?» Aníng nay baraeéní oó', «Tí sleeme a tawór huwisha.»

DAHARUSMO 2:15 Iomraidhean Croise

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:16

Aníng ana baraeéní oó', «Aníng sagalooár yaariir aga sláw, waawitá sleémeero kudá' aa giirin baraá Yerusalemuro ba/a, eeít, aníng aga intsahhaám baraá sagalooa nee xu'utiro.»

DAHARUSMO 1:18

Asma baraá sagalooár yaariire, xurér yaariir i deer. Nee heé tsaahhár yaariir gaa slay, inós gurhaamír yaariir gan dogiit.

DAHARUSMO 1:2

Daharusmo i kaahi, Tawór huwisha, tawór huwisha, umuúqo gaaro a tawór huwisha!

DAHARUSMO 2:16

Asma heé sagalooár koóm nee oo daktanto heé gi inslasláw i kaahh. Asma de'emaá hi'iitaa'a sleémeero kin gunqarees, adoodá' heé sagaloó' ir gwaai tam daktani sleeme.

DAHARUSMO 6:11

Axweesanoó yaariír a tawór huwisha, gár hee nguwa bui a milá?

DAHARUSMO 6:8

Xáy sagaloousmo a tsiníhe ta daktanto? Nee heé liitlakusmo gár i slay a milá? Tam adór hotaangw ngi xui.