DAHARUSMO 2:10 - Biblía Axweesantá Hhohho' ar Mungú 2004

¹⁰ Umuúqo gár ilaaeé' naa ilatleeruusiyé' aga mawiiká, muunaáeé' ugwa qwal/uú /itiiká, asma muunaáeé' gadiyeédá' naa tleéhh gana saqwalalaá/, nee tí sleémeero an qeemuú naa sláw as gadiyér'eé'.

DAHARUSMO 2:10 Iomraidhean Croise

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

YOBU 31:1

«Aníng aga tsabiím, a baloó qaytaaká amór dasi as ngiwa ilaatleeruus.

WARA'AMI 119:37

Aníng ilaa/áng muruú dakti'iima muwa eehár. Hotaaeé' gan'aaseek ar adoodá' axweesantók i kat.

WARA'AMI 128:2

Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 2:1

Aníng ana baraeéní oó', «Lakiít, ti kilooeé' qwal/aás.» Ala ngay tsaáhh adoorí bara tleéhh a tawór huwisha sleeme.

DAHARUSMO 2:22

Xáy, hee slaasláwár i slay baraá gadiyeérós sleémeero a milá, nee baraá ilakaaharuuwose baraakaá yaamuwo?

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

DAHARUSMO 3:22

Gawaá adoorihe aníng ngay tsaáhh gár ganaa' dír heewo ar tí ga baa/ i káhh, tí hee gadiyeérós ngiwa saqwalalaa/i, asma gaarí an hariímarós, asma gár hee gu slaw amór aluuwo heé ga xuú' i kaahh.

DAHARUSMO 5:10

Heé peésár slaá' i baloó hhe'esiiká peesaaro. Laqaá heé daqaari'iimár yaariir ga slaá' tam ngi slaya i baloó hhe'eesiiká daqaari'iimaro, tí sleeme a tawór huwisha.

DAHARUSMO 5:17

Deelo sleémeero hotaawós an baraá giwti nee gurhaami, baraá wayaqaamu nee tiqtír slahh'emiis nee iwa buhhaabuhhi.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

DAHARUSMO 6:2

Mungú bar hee ngwaa daqaari'iimár i haniís nee ilaiwa/ame dír geeraá muko, nee gár kuwa /aár i káhh baraá hotaawose ar i slai, ala Mungú gu aleesleemuú i hanisiiká daqaari'iimadá' ngiwa /ayi, aqo heé xuaawásl gan /aay. Gaarí a tawór huwisha, nee a gár ló'wa slahh'eemiis.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

DAHARUSMO 8:15

Aníng qwala/ una xirfayeés, asma hee gár gu qwal/aas i káhh baraá daanduú yaamuwo, aqo har /ayma nee wahaangw nee qaseengw. Tí kilós an gár hee i aleeslay tleehhamooro baraá gadiyeeduwose baraá slafingwí Mungú aa dirósí haniisi baraakaá yaamuwo.

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

DAHARUSMO 9:9

Slafiingók saqwalaala/eek nee hareerók tidá' taa slá', deelór hotaawók kukaá taworo, kuká' Mungú naa haniís baraakaá yaamuwo. Asma tí an gár tinda kuúngí haniís baraá slafiingoge nee baraá gadiyeeduwoge barakaá yaamuwo.

1 Yohana 2:16

Asma umuúqo gár baraá yaamuwo, adór ilatleerír slaqwa, nee ar ila', nee daqaari'iimár muu gwa daara/ángwár eer, muruuwí i amór Mungú dahhiiká, ala a muruú baraá yaamuuká'.

HAR'OHUUSE 14:2

Aluuwo iri waátl amór doó baabuúwós, iwa hardáh xwayliiteerós gari báy, «Aníng amorqár Timnaro dasirkár múk Filisti aga ár, a duuxór wa slaá'.»