DAHARUSMO 12:11 - Biblía Axweesantá Hhohho' ar Mungú 2004

¹¹ Axweesantá sagaloo' a adór hhartá de'eemusmo, nee adór kik'ár taa yaamií slaáhh, an adór axweesanoó taa burumburaarín oo de'eemusmoó wák.

DAHARUSMO 12:11 Iomraidhean Croise

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

ESRA 9:8

Ala hamí ar qoomár niinawe taa guriíbaá/ nee AAKOÓ MUNGÚ, Munguúrén, tam kudá' naa meetiye' nay ba/ané', giri amohhooárí haniís dirós tidá' hhoohhoó' wa alé. As Munguúrén ilaarén ngiwa gwa/aateesi tam daanduú tseegamoorén tihe masók a qwalaa/aán.

WARA'AMI 23:1

AAKOÓ MUNGÚ inós an de'eemusmooeé', gár aníng iwa /aaruw i káhh.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

AXWEESANOÓ SAGALOOA 1:6

As kahhó' axweesanoó sagalooa kuwa xui, nee oo slaqsi'i, nee axweesanoó múk sageloén nee siníkar'ine.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

AXWEESANOÓ SAGALOOA 22:17

Iia qaaseek as axweesanoó sagalooa kuwa axas, nee inslawaywók diirí ki/isang as axweesanoó xu'uti kuwa sleer.

DAHARUSMO 10:12

Axweesantá heé sagaloó' inósuú kilá' gun /ís, ala axweesantá daktani slafiingósuú kilá' gun qwaarés.

DAHARUSMO 7:5

Tsiní naanaqtá múk sageeloén bar iiárií qamiín, ta daa'ángw daktana kuwa iiárií qamiinda.

ISAYA 22:23

Aníng inós un gawdeés adór kiki'ír ta slaáhh dír kawa saxmaár, nee waawuti'iimarós kari ilaiwawaa/ nee doó baabuúwós.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

YEREMIA 23:29

Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

ESEKIELI 34:23

Aníng de'eemusmoó wák un qaás as ngiwa de'en, waawutmoó adór sagadiyusmooeé' Daudi un qaás. Inós gin /aymiis nee tari de'eemusmooín.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Yohana 10:14

Aníng a de'eemusmoó hhoó'. Aníng bee/angw'eé' u xuú', nee bee/angw'eé' aníng i xuu'.

Yohana 3:10

Yesu guri báy, «Kuúng a intsaahhatusmoó múk Israeli. Ay hamí kaangwí u xu'ukáhe?

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

2 korinto 10:4

Xooslaadár slaqwara ar atén tar slaqwaan a tidár múk baraakaá yaamuuwooká, ala a xooslaadár slaqwara ar Mungú, tidár /uuruú koom. Xooslaarí an tidá' koo/ír gawit kar fee/aan. Gár atén ta fee/itaan a axweesanayduú lama, kudá' Munguú tlaampa'aamiís.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.