DAHARUSMO 12:1 - Biblía Axweesantá Hhohho' ar Mungú 2004

¹ Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

DAHARUSMO 12:1 Iomraidhean Croise

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

2 SAMUELI 19:35

Aníng laarí kureerieé' a mibeeri dakaát. Xáy, gár hhoo' nee ar tlaakwe aqo alesláwa tsaahharo? Xáy, anuú sagadiyusmoowók, tsu'uú gár ni /aay nee ar ni wahama u tsaáhha? Xáy, afór hhohho' a alesláwa tsaahharo ar /ayluusér hhawaate nee ar /ameenaaro? Asma milá anuú sagadiyusmoowók gár kuúng us al'iiloouw aakooeé' waawutámo?

2 SAMUELI 19:36

Anuú sagadiyusmoowók nee kuúng ti alkoomaán diisíng tseew ar gayuú Yordani. Asma milá gár waawutmo aníng is qeemuú úri haniisi oo adór kwí.

1 WAAWITÁ 14:13

Múk Israeli sleémeero i tsuunqus as inós nee kway fool, ala a kwí kilós oo ta fooli doó Yeroboamuwo, asma inós gár AAKOÓ MUNGÚ, Munguú múk Israeli nguwa sla'atís i deer.

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

YOBU 30:2

Gár aníng iwa tu/iya' a milá geeraawo, inooín bar múk /uureemaá koomaaká?

WARA'AMI 119:55

AAKOÓ MUNGÚ, xweeraawo án kuúng un inslasláw, nee dabeerók an aldakuút.

WARA'AMI 34:11

Qwalaasaré', kuungá' ná/ii, iiárií qaasaré', án kuungá' nu intsaahhatimiís adór AAKOÓ MUNGÚ kur ilaiwawa/a'.

WARA'AMI 63:6

Bura insláw baraá qatanir'eé' wa ale, kuúng un aldakuút xweera sleémeero.

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

AXWEESANOÓ SAGALOOA 22:6

Na/aay intsaahhatiseek hotaá ganaa'a'a, inós adoosíng ga baloó gunqaresiiká gar wa dín.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

DAHARUSMO 11:10

Ma baraá muunaáwók i gurhamuutaar, ti ila/, nee slaqwtók ma slahh'eemisaar, asma masoombi'iima a tawo nee tla/aa tsaraaro.

DAHARUSMO 11:2

Qasiseek múk faanqwí ale laqaá dakaát, asma baalár gár tlaakw ni barakaá yaamií hardat a xu'ká.

DAHARUSMO 11:8

Hee kureeraá yaariir birnga hoót, ngi saqwalaa/i, ala masók in inslawín adór deelór slahh'amaaye kar úr. Muruú aluú wa hi'iít sleémeero a tawo.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

WA/AA/I 3:27

A gár hhoo' hee qitla nguwa intsaatsahhi, iimír masoombi'iimarose.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 18:16

Ala Yesu giri ateét amoorós, iri oó', «Na/aá ninakw mawaagáy ni amor'eé' hardihiye', mi ila/aamara'. Asma awa adór kuká', waawuti'iimár Mungú a tooín.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

1 SAMUELI 1:28

Gawaá adoorihe hamí na/aywí ngwa huúw dír AAKOÓ MUNGÚ. Baraá slafiingós sleémeero i dír AAKOÓ MUNGÚ wa hooti.» Inooín AAKOÓ MUNGÚ nguri amoodá' wa sluufmiisiyé'.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.

1 SAMUELI 2:26

Samueli iri kumiít urarango, AAKOÓ MUNGÚ guri sla'atís nee muko.