DAHARUSMO 11:9 - Biblía Axweesantá Hhohho' ar Mungú 2004

⁹ Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 11:9 Iomraidhean Croise

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

1 WAAWITÁ 22:15

Naagáy Mikaya iwa hardáh dír geeraá waawutmo, waawutmo guri yaahaás, «Xáy, Mikáya, a slaqwarár awaána amorqár Ramot-Gileadi laqaá daqawanaaká?» Inós iri oó', «Tláw slaqwara aweek, asma AAKOÓ MUNGÚ ngi gawaá dabaawók i qaas.»

YOBU 31:7

Barnaxes tlehhmi'iieé' baraá loohirós nga geexayé', nee inslaway'eé' muruú ilaaeé' ni slaiya' gwaa ya/án, barnaxes dabaaeé' iga slasla/areés ar tlakweema,

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

DAHARUSMO 2:10

Umuúqo gár ilaaeé' naa ilatleeruusiyé' aga mawiiká, muunaáeé' ugwa qwal/uú /itiiká, asma muunaáeé' gadiyeédá' naa tleéhh gana saqwalalaá/, nee tí sleémeero an qeemuú naa sláw as gadiyér'eé'.

DAHARUSMO 3:12

Aníng ngari tsaáhh gár hee gu gaa wa buu' ar qwala/ gu baa/ i káhh, nee tiwa qwal/atimis baraá hotaawós sleémeerowo.

DAHARUSMO 3:17

Aníng nay baraá muunaáeénií oó', Mungú múk hota ganaá' nee múk tlakwe sleémeero gin sakwasleemuut, asma umuú qoomaaro Mungú gana qaás as gaarós nee as gadiyeérós.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

WA/AA/I 3:27

A gár hhoo' hee qitla nguwa intsaatsahhi, iimír masoombi'iimarose.

FAARO 15:30

«Ala barnaxes hee iwa dakuusi ina tsabín a dakuús ar pa/aayorooká. Inós bar an yaamuloousmo, laqaá hoomo, inós gár kuwa hariím a gaasa. Asma inós AAKOÓ MUNGÚ gun waaqaqaa'.

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

FAARO 22:32

Malaykamoó AAKOÓ MUNGÚ Bala'amu guri báy, «Ahaá waáy, daqwaywók musa sláhh ay ki/ima tám. Aníng nina hardáh as kuúng uwa ilaa/, asma loohirók ka tlaakw dír geeraeene.

Matayo 5:28

Ala án a kah, umuúqo heewo oo /ameeni gaa alqaytsiit ar ilatleeri aa fuquús nee /ameenidá' baraá muunaáwose.

Luka 12:19

Daqaní nay kilooeé' oo', ‹Balángw yaariír u koóm oo ni /aay kureeraá yaariire, nee muruú hatlá' sleeme. Aníng daxta an iwiwiít, an /ayiím, an wahaám, an qwalalaá/.›

Tlehhema'aá ya/Abuuse 14:16

Inós aáng baraá qartá aa waarahhi, xoordu sleémeero gina máy as lohuduuín kiwa eehari.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 14:10

Ahaá ala, kuúng mas hhiyaawók sakwasleemút? Nee kuúng mas hhiyaawók waaqaqá'? Asma atén sleémeero a sihhiitaán dír geeraá kitángw Mungú kuduú sakwasleema.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.