DAHARUSMO 11:2 - Biblía Axweesantá Hhohho' ar Mungú 2004

² Qasiseek múk faanqwí ale laqaá dakaát, asma baalár gár tlaakw ni barakaá yaamií hardat a xu'ká.

DAHARUSMO 11:2 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

ESTA 9:19

Gawaá adoorihe, múk Yahudi kuduú baraá ayeemo nee baraá gixsadaá koo/ír gawit ngi kooma'aaká, deeloorí kana óh, ar mibaá nee tsiyáhh slahhángw Adari, tawa deelór muruú /ayma nee qwala/ nee deelór tiwa qeemií ya/abitiya'.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 6:16

Muruú lahhoó' i deer oo AAKOÓ MUNGÚ i waki, eeít, faanqw ga áy dinkwaaro muruú aa ló'wa aáhh.

DAHARUSMO 11:3

Huunkáy bira ilu'uu'úy, tluwaay i tluuw gawaá daanduú yaamu, xa'ano bira baskwí huú' laqaá bira /iíkwí huú', didaádá' aa i huú' an dír i qaati.

DAHARUSMO 11:8

Hee kureeraá yaariir birnga hoót, ngi saqwalaa/i, ala masók in inslawín adór deelór slahh'amaaye kar úr. Muruú aluú wa hi'iít sleémeero a tawo.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

Matayo 18:22

Yesu iri oó', «Aníng a ooaaká tam ay sagaáwa faanqw, ala an oo', tam faanqw sagaáwa mibeeri faanqw.

Matayo 5:42

Heé kuúng u fiririím qaweek, nee heé kuúng u kirkiít mu /itaar.»

Luka 17:4

Ala kuúng bura sadakuús sagaáwa faanqw baraá looár wake, nee bir naa kií/ amoorók sagaáwa faanqw, iwa kaahi, ‹Aga hhu'u'uúm,› kuúng gurtlaweek.»

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

Efeso 5:16

Qoomaarí ta koonda' ar gadiyuusaak, asma de'emaaká' a de'emaá tlakweema.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

1 SAMUELI 25:8

Kuúng inooín yaahaseek, kingi qo oo', hám daxta án kuúng u firiím masoombar'eé' tisíng ya/aámí haniseek, asma naa amoorók kawaán baalaarír boo/aywo, na'ás, u firiím sagadiyuuseerók tisíng, nee anuú garmaawók Daudi ti qeer umuú gár taqo koonda dakoge.› »