DAHARUSMO 10:16 - Biblía Axweesantá Hhohho' ar Mungú 2004

¹⁶ Yaamaá ta sawaawuti'ii'in nee na/aay a tsaxwaaín, nee yaamuudá' geeraharuuser'ín muruú /aymár úr gwa matlaatlér qas.

DAHARUSMO 10:16 Iomraidhean Croise

1 WAAWITÁ 12:11

Huwár baabuúeé' kuungá' nay tsa/aás ka ló'wa iloo', ala aníng kuungá' nu huwár ló'wa iiloóí tsa/aás ar baabuúeé' ba/a. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.› »

2 QOM'I 13:7

Aluuwo múk barawaslén guna dinkwár i burumbuúr, inooín Rehoboamu garmoó Solomon nguri al/ayiyé'. Tidá' inooín ta slai gari tleéhh, qoomaarihe inós ila/aro gina harslaaqaát asma a masoomoó aa kwa/iiká.

2 QOM'I 36:11

Sedekia waawuti'iima ngiwa iimu/ún kureeriiwós a mibeeri tsár nee wák, ina baraá Yerusalemúr wa waawuti'ín kureeri mibaá nee wak.

2 QOM'I 36:2

Yehoahasi waawuti'iima ngiwa iimu/ún kureeriiwós a mibeeri tsár nee tám. Ina baraá Yerusalemúr wa waawuti'ii'ín slahheeri tám.

2 QOM'I 36:5

Yehoyakimu waawuti'iima ngiwa iimu/ún kureeriiwós a mibeeri tsár nee kooán, ina baraá Yerusalemúr wa waawuti'ín kureeri mibaá nee wak. Inós tlehhma'aá tlakw gina tleéhh dír geeraá AAKOÓ MUNGÚ, Munguúwose.

2 QOM'I 36:9

Yehoyakini waawuti'iima ngiwa iimu/ún kureeriiwós a dakaát Ina baraá Yerusalemúr wa waawuti'ín slahheeri tam nee deelo mibaangw. Inós tlehhma'aá tlakw gina tleéhh dír geeraá AAKOÓ MUNGUHE.

AXWEESANOÓ SAGALOOA 28:16

Geeraharusmo bar tsaahha nguwa /aaruúr a baramaanusmoó xaraásl dír muko Ala geeraharusmoó slaasláwár al/ayma ga sla'aaká ku slafiingw tleér.

DAHARUSMO 10:15

Daktani kan slaaqatis nee gadiyeérós, tam loohír ir amór dóií watl iri qwát.

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›