DAHARUSMO 1:3 - Biblía Axweesantá Hhohho' ar Mungú 2004

³ Xáy, hee slaasláwár i slay a milá, baraá gadiyeeduwós kudá' sleémeero i tlehhaahhiti baraá daanduú yaamuwo?

DAHARUSMO 1:3 Iomraidhean Croise

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 2:18

Muruudá' sleémeero naa tleéhh baraá yaamuwo ngway aáhh, asma uqo geexáw dír heedaádá' aluueé' wa hardáh.

DAHARUSMO 2:19

Xáy, heé ga xuú' adór heedaádá' tar heé sagaloó' laqaá daktani? Tam adoorihe muruudá' aníng naa tleéhh ar sagalooar'eé' baraá yaamuukae inós gun aal. Tí sleémeero a tawór huwisha.

DAHARUSMO 2:22

Xáy, hee slaasláwár i slay baraá gadiyeérós sleémeero a milá, nee baraá ilakaaharuuwose baraakaá yaamuwo?

DAHARUSMO 3:9

Xáy, heé gadiyuús slaasláwár i slay a milá baraá gadiyeérose?

DAHARUSMO 4:3

Ala heé ak amohhoó' ta múk aa qaatli nee kudá' slafa a heedaádá' taa laqwaliiká, asma tlehhmi'iiká' tleehharumiitá' baraakaá yaamuwo gaa ariiká.

DAHARUSMO 4:7

Aníng nari malé qaytsiít baraakaá yaamuwo gár wák ana ár ar tawór huwisha.

DAHARUSMO 5:16

Tí sleeme a gár ló'wa tlaakw baraá yaamuwo, adoodá' hee nira hardáh an adór ir tlay, inós ina dawimamiít as fur'a ngiwa gusiisin, hameerós gari tawó xiints.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 7:11

Sagalooa ka ló'wa afhhamít adór aali, i slahhá' dír múk slafa.

DAHARUSMO 9:13

Aníng sleeme slaqsoó sagalooa ugwa ár baraakaá yaamuwo, aníng slaqsaywí nguri ár dir'eene tawa gár afhhamít.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

1 Korinto 16:16

Kuungá' geeraharu'uumár múk adór kwí naa eeharaak, nee ar umuúqo heewo oo gadiyér tleéhh nee oo ti daawiitimiís dinkwa nee inooín.