DAHARUSMO 1:2 - Biblía Axweesantá Hhohho' ar Mungú 2004

² Daharusmo i kaahi, Tawór huwisha, tawór huwisha, umuúqo gaaro a tawór huwisha!

DAHARUSMO 1:2 Iomraidhean Croise

YOBU 11:12

Daktani bar fuquraangw ngu sleér a adór daqwaay hee gun laqwaal.

WARA'AMI 144:4

Hee a adór tawo, deeloorós a adór hhaantamoó waraáhh.

WARA'AMI 89:47

Inslaweek, hotaaeé' kuká' niina, kuúng atén tina tléhh as tawa qatlaan.

DAHARUSMO 11:10

Ma baraá muunaáwók i gurhamuutaar, ti ila/, nee slaqwtók ma slahh'eemisaar, asma masoombi'iima a tawo nee tla/aa tsaraaro.

DAHARUSMO 11:8

Hee kureeraá yaariir birnga hoót, ngi saqwalaa/i, ala masók in inslawín adór deelór slahh'amaaye kar úr. Muruú aluú wa hi'iít sleémeero a tawo.

DAHARUSMO 12:8

Daharusmo i kaahi, «Tawór huwisha, tawór huwisha umuúqo gaaro a tawór huwisha!»

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 2:15

Aníng nay baraeé' oó', «Gár heé daktani gu slaw aníng sleeme i sleér. Xáy sagalooár adór tí gár ngis koom a milá?» Aníng nay baraeéní oó', «Tí sleeme a tawór huwisha.»

DAHARUSMO 2:17

Gawaá adoorihe aníng slafiingw nguri aáhh, asma umuú gaaro ar tleehharumiit baraá yaamuwo gurhaami ngi huwahúp, asma umuú gaaro a tawór huwisha, nee a adór heé fur'a gaa alta'aain.

DAHARUSMO 2:19

Xáy, heé ga xuú' adór heedaádá' tar heé sagaloó' laqaá daktani? Tam adoorihe muruudá' aníng naa tleéhh ar sagalooar'eé' baraá yaamuukae inós gun aal. Tí sleémeero a tawór huwisha.

DAHARUSMO 2:21

Asma qoomarkaaro heé gadiyeérós gaa tleehh ar sagalooa nee xu'uti, nee fuquraangw, aluuwo gari dír heé hatlá' i geexáy, as ngiwa saqwalaala/i gár aa hamér wa xiintsiiká. Tí sleeme a tawór huwisha nee a gár kángw kilá' wa tlaakw.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 2:8

Aníng peésa nee sahaábuú hhohhoe ina burumbuúr baraá daqaari'iimár waawituú hatlá' wa ale, nee baraá yaamuueé' kudá' naa sawaawuti'iím. Daauusér hhawaate nee ar /ameenaaro ana burumbuúr sleeme, nee /ameenár yaariir ar quturmo waslen, tidá' hhawaate i waatlakweemisiya'.

DAHARUSMO 3:19

Muu nee makaay a wak, asma gadaádá' tlehharuut dír muko an tidá' tlehharuut dír makaywo sleeme. Muu in qaatl, makaay in qatliiyá' sleeme, sleémeero i hiinsliyá', hee makiito'o gár ngir ba/i i káhh, sleémeero a tawór huwisha.

DAHARUSMO 4:16

Mukdá' sleémeero faaror'ín i káhh, inós sleémeero gina sawaawuti'ín. Tam adoorihe mukdá' taa aluú wa laqwaál ngu saqwalalaa/iaaká. Looeemá kilae tí sleeme a tawór huwisha, nee a adór heé fur'a gaa alta'aain.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 5:10

Heé peésár slaá' i baloó hhe'esiiká peesaaro. Laqaá heé daqaari'iimár yaariir ga slaá' tam ngi slaya i baloó hhe'eesiiká daqaari'iimaro, tí sleeme a tawór huwisha.

DAHARUSMO 6:11

Axweesanoó yaariír a tawór huwisha, gár hee nguwa bui a milá?

Rumi 8:20

Asma mura' sleémeero sleeme kuna baraá hhitiru'uumár i qaás. Ala a ooanaaká inooín kana slaá'. Ala a Mungú adoorí gana slaá'. Ala tam adoorihe haraxu'uti i deer.