DAHARUSMO 1:14 - Biblía Axweesantá Hhohho' ar Mungú 2004

¹⁴ Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 1:14 Iomraidhean Croise

DAHARUSMO 12:8

Daharusmo i kaahi, «Tawór huwisha, tawór huwisha umuúqo gaaro a tawór huwisha!»

DAHARUSMO 2:11

Aníng gadiyér'eé' sleémeero ar naa tleéhh ar dabaaeé' ana alqaytsiít, nee adoodá' hame ngira xiínts as gadiyeérí ngari tsaáhh adór muruuwí sleémeero tar tawór huwisha, nee a adór heé fur'a gaa alta'aain, nee slaasláwár dáw i káhh baraá yaamuwo.

DAHARUSMO 2:17

Gawaá adoorihe aníng slafiingw nguri aáhh, asma umuú gaaro ar tleehharumiit baraá yaamuwo gurhaami ngi huwahúp, asma umuú gaaro a tawór huwisha, nee a adór heé fur'a gaa alta'aain.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 3:19

Muu nee makaay a wak, asma gadaádá' tlehharuut dír muko an tidá' tlehharuut dír makaywo sleeme. Muu in qaatl, makaay in qatliiyá' sleeme, sleémeero i hiinsliyá', hee makiito'o gár ngir ba/i i káhh, sleémeero a tawór huwisha.

DAHARUSMO 4:16

Mukdá' sleémeero faaror'ín i káhh, inós sleémeero gina sawaawuti'ín. Tam adoorihe mukdá' taa aluú wa laqwaál ngu saqwalalaa/iaaká. Looeemá kilae tí sleeme a tawór huwisha, nee a adór heé fur'a gaa alta'aain.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:6

A tsiní gár niiná bar koón dinkwa nee wayda baraá muunahe ta mura' sleémeero kuwa koonda dinkwa nee diitsakwa, tí a adór heé fur'a gaa alta'aain.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

DAHARUSMO 8:16

Aníng tí ana aldakuút ar sagalooar'eé' nee ngay tsaáhh gadiyér tlehharumiit baraakaá yaamuwo. Naxés heeko i deer oo gu'ute ga ilií qamaamimaaká xweera nee tlaatla/ango.