DAHARUSMO 1:13 - Biblía Axweesantá Hhohho' ar Mungú 2004

¹³ Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:13 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

YOBU 28:3

Mukdá' tlaa/aá folaaliít tsaa'aso kanar dah baraá bohóngw giíw. Tan baraadá' wá tsee/aaraarín ay amór saaw, tlaa/aá tlaxo uren kin baraá ma/amidá' wa foliit.

WARA'AMI 111:2

Muruú AAKOÓ MUNGÚ i tlehhahhiiti ku urén, muruudá' ku ló'wa aldakuut nee mukdá' taa qwal/atís.

AXWEESANOÓ SAGALOOA 18:1

Heé dír múk sla'aaká gár i slai a tós kilós, Bar ku gurbu'úngw hhó' í kah in slaaqw.

AXWEESANOÓ SAGALOOA 18:15

Heé fuqurángw koóm xu'uti ga sláy, nee iaá heé sagaloó' kángw xu'uti ngu slaiyá'.

AXWEESANOÓ SAGALOOA 23:26

Garmaaeé', muunaáwók haniisang, adoorí aníng nir hoot u qwal/atis.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

AXWEESANOÓ SAGALOOA 4:7

Sagalooa a gár afhhamít, gím leeleehheek, ar umuú gár taqo koonda, tsaahha slaweek.

DAHARUSMO 1:17

Aníng baraá muunaáeene ana slaá' sagalooa ngiwa xuu', nee pungahhama, nee daktu'uuma. Ala tlehhmuú adoorí una tsaáhh tawa adór heé fur'a gaa alta'aain.

DAHARUSMO 11:5

Adoodá' na/aay baraá guruú aayooro ir hinslasliti kar xu'uká, an adoodá' gadiyér Mungú kar aleesleeraaká tsaahharo, inósuudá' mura' sleémeero gu tlehhiít.

DAHARUSMO 12:12

Garmaaeé', hara'aya iiárií qaaseek, alhhe'eesoó kitaabi'i gooi i kaahh, nee soómár yaariir i slaqwtá hhaslít.

DAHARUSMO 2:23

Asma slafiingós sleémeero gár iwa haáts a slahh'amaaye, nee gadiyeérós sleémeero a daawitame kilós, tam xweeraawo inslawaywós i hungu/uusiiká. Tí sleeme a tawór huwisha.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 3:10

Aníng gadiyér yaariir ar Mungú aa haniís dír muu ana ár, as kahhó' inooín niwa gadiyuusiya'.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DAHARUSMO 4:8

Heeko wák oo múk koomaaká una ár, na/aay i kaahh, tam hhiya' i kaahh, tam adoorihe gadiyeé ga baloó maamayká daqaari'iima ga kón, ala ilaawós i hheeriimamitiya', slám inós i yaamií iwawiitiiká as tiwa yaahasi iwa ooi, «Heé nis gadiyuus a heemá oo tiwa muruú hhó' /itaa/iit?» Tí sleeme a tawór huwisha, a daawitamér gurhaamír koom.

DAHARUSMO 7:25

Aníng baraá inslaway'eene mura' nguri xu'utír wa slaá', nee nguri aldaákw, sagalooa ngiri leeleéhh nee gídaabár umuúqo gaaro. Ngari tsaáhh adór tlakweema tar daktu'uuma, nee daktu'uuma tar slarhhama.

DAHARUSMO 8:9

Baraá inslaway'eene muruú baraá yaamuwo ta tlehhiiti una aldaákw. Qooma i deer ar hee iwa aleesleemuú kon daanduú heewo as nguwa baramaanuusi nee nguwa slahh'eemisi.

1 Timoteo 4:15

Muruuwí na aldakuuteek nee kuwa tlehhit ar ilakaaharu, as muu ngiwa tsaahhi adór kuúng tar geerií kumit.