DABE 9:7 - Biblía Axweesantá Hhohho' ar Mungú 2004

⁷ «Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

DABE 9:7 Iomraidhean Croise

TI'INAANGW 14:10

Qoomár Farao iwa tseewúy didií alé nee múk Misriro, múk Israeli gari ár, múk Israeli iri amór AAKOÓ MUNGÚ i /aa/amín ar daér yaariir.

TI'INAANGW 14:11

Mose nguri bayé', «Gár atén tisa dúx baraá yaamaá Misriro, tari qatlór awaán baraá xaanxaay, a as /aantu iwa kahhiía baraadaá yaamaá Misriro? Gaarí a milá naa atén i tléhh tiwa baraá yaamaá Misrír wa dúx?

TI'INAANGW 16:2

Xoorór Israeli sleémeero iri qununu/oó eér dír Mose nee Aroni baraá xaanxaydá' wa ale.

TI'INAANGW 17:2

Gawaá adoorihe Mose nguri i qununu/iyé' ta kaahi, «Ma'aá wahaangw haniisang.» Mose giri báy, «Ahaá mas aníngí qununu/á'? Mas AAKOÓ MUNGÚ iiara'adá'?»

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 32:30

Asma múk Israeli nee oo Yuda gár hatlá' dír ilaaeene ni tlehhaahhitiya' i káhh, aqo har tlakweema kilooín iimír masoombi'iimar'ine. Inooín gár naa tleehhiyé' i káhh, aqo har aníng ina buhhtamiisiyé' ar gadiyér dabaaín. Anuú AAKOÓ MUNGÚ tí ngina oó'.

YEREMIA 44:9

Xáy, tlakweemaá baabi'iihúng iga gunqaaresí'i nee kudaá waawituú Yuda nee kudaá tlaaway'ine, nee tlakweema koohúng awa kilá' nee awa tlaawayhunge, kudá' naa baraá yaamaá Yudá wa tlehhahhitiyé' nee baraá lohdaá Yerusalemuro?

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

FAARO 11:4

Baraá tla/ángw múk Israeliwo muko i deer oo fu'unaay gaa ló'wa haayuus, nee múk Israeli iri /aa/amín tawa kaahi «Ís hamí hee adór fu'unaay ngir tláy!

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 17:10

AAKOÓ MUNGÚ Mose guri báy, «Hhartá Aroni ki/isek dír geeraá sandakmoó alqado. Hhartí ka didií batsi, as kahhó' tawa gurbua dír mukdá' dee/aanumiita nee as qununu/ay'ín iwa faaki daandueene. Bar adooriheeká inooín i qatliyá'.»

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

1 Korinto 15:9

Asma aníng a heé niiná dír ya/abuuseero. Slám a hariimaaká tiwa babay ya/abusmo, asma aníng múk Mungú una slahh'eemiís.

Efeso 2:11

Gawaá adoorihe inslawiimé' kuungá' a múk adoomá aáng. Qoomaadae kuungá' a múk xoordu baraá tlahhaywo. Mukdá' taa al/utlín kuungá' nun babáy, «Múk taa al/utliiká».

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

DABE 9:24

Iimír aáng ilaaeé' niwa pa/iia, kuungá' aqo múk AAKOÓ MUNGÚ gu ahhahhiít.

DABE 9:4

«Ala AAKOÓ MUNGÚ, Munguúhúng mukdá' burngwa hhe'eés geeraahúng wa guusaro, ma baraá gur'erhúng i ooara', ‹AAKOÓ MUNGÚ atén tina dahaás baraá yaamuuká' asma tawa gana'amuú koomaan.› Ala handá' AAKOÓ MUNGÚ, mukdá' guna geeraahúng wa guús asma tlakweemaaín.