DABE 9:3 - Biblía Axweesantá Hhohho' ar Mungú 2004

³ Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

DABE 9:3 Iomraidhean Croise

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

ISAYA 27:4

Qaymor'ee' tí a i buhhaaká, barnaxes laqaya' nee fuquráy ngaa i haratlayé', aníng an slaáqw nee laqaya' nee fuquráy, ngiri dinkwaárí daá/ sleémeero ar asla.

ISAYA 30:27

Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

Matayo 15:10

Yesu boo/aay guri ateét guri báy, «Iia qaasaak nee tsaahhaak.

Marko 7:14

Boo/aydá' guri malé ateét, guri báy, «Sleémeero iiárií qaasaré' nee ka tsahhá'.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 20:4

Asma AAKOÓ MUNGÚ, Munguúhúng i dinkwa nee kuungá' baraá slaqwaraaro. Inós i slaaqw kitangwhúng wa ale, amór wakuuserhúng, nee nuri baalírí haniis.›

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

DABE 7:22

AAKOÓ MUNGÚ, Munguúhúng xoorduuká' gusisiingo gin tseegamiis har qoomár kuungá' tar geerií surkuunda'. Xoorduuká' gi wa'aá wákár hhaamisiiká, as kahhó' aluuwo kuungá' mutunduwa haradáh nee makaá sla/a.

DABE 9:6

Naagáy xuaak AAKOÓ MUNGÚ, Munguúhúng yaamuuká' hhoohhoo' ngin kuungá' i hanisiiká kiwa ala', as kuungá' tawa hota gana'a', asma kuungá' a múk ló'wa sage gawdén.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 12:29

Asma ar ló', Munguúrén an asltá mura' sleémeero gu /aay.

YOSHUA 11:12

Yoshua gixsaduuká' sleémeero giri hayóh, nee waawitaáín guri tsuú/ ar paánga. Sleémeero giri hhaamiís, adoodá' Mose sagadiyusmoó AAKOÓ MUNGÚ ngwa báy.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

YOSHUA 3:11

Qaytsité' sandakmooduú alqadór Aakoó yaamu sleémeero in geerahúngií waaraahh ay baraá yaaér Yordani.

YOSHUA 3:14

Muu iri tláy baraá xafay'ín wa ale as yaaér Yordani kawa waaraahhi, nee kaahamuuseedá' sandakmoó alqadór loohiis iri geeraá múk wa tleér.

HAR'OHUUSE 4:14

Debora Baraka guna beér, «Gimáy tlawáng, asma laarí AAKOÓ MUNGÚ Sisera ngwa gawaá dabaawók i qaás, nee AAKOÓ MUNGÚ kuúng u geerahaar.» Baraka nee mukós kuduú kume mibaangw tari aweér gawaá tloomár Tabori wa ale.