DABE 9:29 - Biblía Axweesantá Hhohho' ar Mungú 2004

²⁹ Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »

DABE 9:29 Iomraidhean Croise

1 WAAWITÁ 8:15

Iri oó', «AAKOÓ MUNGÚ, Munguú Israeli i xirfuuti, asma ar dakose al'axweesantadá' afkósuú kilae aa oó' dír baabuúeé' Daudi gaa boo/eés, iwa oó',

1 WAAWITÁ 8:51

Asma inooín a mukók, nee a slaasláwaarók, mukók kwí taa dúx baraá yaamaá Misrír wa ale, baraá asltadár gufteeri, tidá' ta muqslaárár weeqatmaamiisi.

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 136:12

Ar dakós oo /uuruú koóm nee oo aleesleemuú kooma, Asma sla'aarirós i warqeeraaká ay alhhe'eesay wasle!

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 77:15

Ar dakók kudá' /uuruú kooma mukók uga ba/amís, na/aá Yakobo nee awa Yosefu.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

DABE 9:26

Aníng AAKOÓ MUNGÚ una firiím, niwa kah, ‹Aá AAKOÓ MUNGÚ, mukók kuduú aalirók mu qwaareesaar, mukdá' taa ba/amís nee taa baraá yaamaá Misrír wa dúx ar aleesleemu nee ar /uuruú úr.