DABE 9:28 - Biblía Axweesantá Hhohho' ar Mungú 2004

²⁸ Múk amoodá' atén tiwa dúx matawa oó', AAKOÓ MUNGÚ mukdá' guna duúx baraá yaamuudá' wa aleeró as nguwa tsu/utár ay baraá xaanxaay, asma gaa aleeslayká ngiwa dahaasi baraá yaamuudá' inós aa al'axweés, nee as mukdá' nguwa ló'wa aáhh.›

DABE 9:28 Iomraidhean Croise

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

FAARO 14:16

‹AAKOÓ MUNGÚ mukós guna baraá xaanxáy tsuú/ asma gina harslaaqaát ngiwa huwi baraá yaamuudá' aa al'axweés as ngiwa inooín i haniisi.›

DABE 1:27

Kuungá' ana baraá heemaduhúng wa qununu/é', tawa kata', AAKOÓ MUNGÚ, atén taa aáhh, an gár tisa baraá yaamaá Misrír wa duúx. Gana slaá' tiwa haniisi gawaá dabaá múk Amori as tiwa hhaamisi.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

DABE 9:27

Inslaweek sagadiyuuseerók Abrahamu, nee Isaka, nee Yakobo. Kuúng sagagawduú mukwí mu gaárí xuaar, laqaá tlakweemaaín mi gaárí xuaar, nee dakuúsar'ín.

YOSHUA 7:9

Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»