DABE 9:26 - Biblía Axweesantá Hhohho' ar Mungú 2004

²⁶ Aníng AAKOÓ MUNGÚ una firiím, niwa kah, ‹Aá AAKOÓ MUNGÚ, mukók kuduú aalirók mu qwaareesaar, mukdá' taa ba/amís nee taa baraá yaamaá Misrír wa dúx ar aleesleemu nee ar /uuruú úr.

DABE 9:26 Iomraidhean Croise

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

1 WAAWITÁ 8:51

Asma inooín a mukók, nee a slaasláwaarók, mukók kwí taa dúx baraá yaamaá Misrír wa ale, baraá asltadár gufteeri, tidá' ta muqslaárár weeqatmaamiisi.

1 WAAWITÁ 8:53

Xáy AAKOÓ MUNGÚ kuúng ina parátl baraá múk hatlae oo baraá yaamu sleémeero, tawa aalirók, adór kira iia tleerés ar loohír Mose sagadiyusmoowók, qoomaadá' baabi'iirén ngiwa duúx baraá yaamaá Misrír wa ale.»

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 107:2

Mukdá' AAKOÓ MUNGÚ aa ba/amís sluufaywí ngu ooiye', kudá' aa tuú/ baraá dabaá wakuusér wa ale.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 77:15

Ar dakók kudá' /uuruú kooma mukók uga ba/amís, na/aá Yakobo nee awa Yosefu.

WARA'AMI 78:35

Kari insláy adór Mungú tar tlaa/ar'ín, Munguúduú Gáwtí dirií' an ba/amusmooín.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 15:13

Kuúng mukók oo taa ba/amís una geerahát ar sla'aarirók tidá' warqawaaká. Ina geerahát ar /uuruuwók ay didá' hhoohhoo' ar hotaawók.

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 21:8

Aá AAKOÓ MUNGÚ, mukók oo Israeli kudá' taa ba/amís gurtlaweek. Dakuúsarír gwa'arár heé dakuúsár koomaaká ma faaraar daanduú mukók oo Israeli.› Daqaní inooín kaa gurtláy daanduú dakuúsarír tsu/utaaro.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

DABE 9:27

Inslaweek sagadiyuuseerók Abrahamu, nee Isaka, nee Yakobo. Kuúng sagagawduú mukwí mu gaárí xuaar, laqaá tlakweemaaín mi gaárí xuaar, nee dakuúsar'ín.

DABE 9:29

Asma mukwí an kók oo kilá', múk kuúng taa dúx ar /uuruuwók nee aleesleemuuwók oo úr. »

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

1 SAMUELI 7:9

Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.