DABE 9:2 - Biblía Axweesantá Hhohho' ar Mungú 2004

² Múk baraá yaamuudá' hoót ku ló'wa tlét, nee i ló'wa /uureemaá koná'. A xwaylár Anaki, kudá' kuungá' ta xua' nee kangw'ín taa axasé', ‹Xáy, heé nee mukduú Anaki ti tlampa'aasá' a heemá?›

DABE 9:2 Iomraidhean Croise

YOBU 11:10

Mungú barnaxes aa waaraáhh, hee guri tseek, guri sakwasleemuut, heé sií' a heemá?

TI'INAANGW 9:11

Qwaslaare sihhtanór dír geeraá Mose gari harslaaqát, as kiwa uhín nee umi'i adór mukduú hatlá' oo Misri.

DANIELI 11:16

Waawutmooduú /iya i haraatláy, adór inós i slai gan tleehh, heé slaqwarár nee inós ga qiítl i kaahh. Iri sihhiit baraá yaamaá xirfuú koomá', giri sawaawuti'ín.

DANIELI 8:4

Gwaanduwí una ár i slaaqw bihhaá /uwa, nee /iya nee basa. Tam makiito'ór gwa tlaampa'as i káhh, laqaá ar aa kotsqot dír /uuruuwose i káhh. Inós adoodá' i slai gana tleéhh, tina kilós xirfayeés.

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 13:28

Ala yaamuloouuser'ín an múk ló'wa /uureemaá koóm, nee gixsaduuín ki gawden. Kina tleéhh ar koo/ír gawit nee ki diren. Slamí amoodae xwaylár Anaki ana araán.

FAARO 13:33

Baraadae atén múk dirén una araán, kuduú xwaylár Anaki. Nee atén dir'ine a adór tsaxw'i, adoorí an adór inooín atén tir ga/aya' sleeme.»

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 2:21

Inooín an múk ló'wa yaariír oo /uuruú koóm nee múk tledaadét adór múk Anaki. Ala AAKOÓ MUNGÚ mukwí guna hhaamiís qoomár múk Amori iwa hardáh yaamuudá' kiri hayóh, niri baraadá' wa hootiyé' kitangw'ín wa ale.

DABE 7:24

Inós waawitaáín ngu gawaá dabaahúng i haniis, kuungá' kiri tsu/á', nee inooín kiri gunqarees. Heé inooín baqto gi aleesláw i kaahh, ay dír kuungá' inooín kay hhaamisa'.

YOSHUA 11:21

Qoomaadae Yoshua ina tláy múk Anaki guna hhaamiís nee gixsaduine nee kudá' yaamaá tlom'aá hootá', iimír Hebronír wa tleemu ay Debiri, ay Anabu, nee yaamaá gongoamaá Yuda nee awa Israeli.

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

YOSHUA 15:14

Kalebu tlahh'aá tám awa hhay Anaki gina tlatlahhaás baraadá' wa alé. Inooín an kuká': Hhay Sheshai nee hhay Ahimani, nee hhay Talmai.