DABE 9:19 - Biblía Axweesantá Hhohho' ar Mungú 2004

¹⁹ Aníng ana ló'wa da'ayuút as buhhtaá AAKOÓ MUNGÚ daanduuhunge, geeraawo naa hhaamiís, ala AAKOÓ MUNGÚ qoomaadae aníng ina malé iiárií qaás.

DABE 9:19 Iomraidhean Croise

WARA'AMI 106:19

Damár sahaábu kana tleéhh amór Horebu, murslaaqatuú taa tleéhh nguri sluufmisuú ayé'.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 78:59

Mungú adoodá' ngiwa axaás, giri iigahhaát, múk Israeli gway sií' ló'wa ale.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

FAARO 11:2

Muu iri /aá/ dír Mose, Mose AAKOÓ MUNGÚ guri firín nee asltadá' iri gwá'.

DABE 10:10

«Aníng ana gawaá tloomár wa hoót deelo mibeeri tsiyáhh xweera nee tlaatla/aango adoodá' aáng geeraawo naa tleéhh. AAKOÓ MUNGÚ wa'aá hatlae ina male iiárií qaás, nee iri ya/án as munduwa hhaamiís.

DABE 11:17

Asma adoosíng bara tlehhé', AAKOÓ MUNGÚ buhhtaawo nuri i daa/atúy, aluuwo doori giri tseek tluwaay guri ilaa/, nee yaamu balaangw ngway hamareesiaaká. Kuungá' tari hhaandá' baraá yaamaá hhoohhoo', kudá' AAKOÓ MUNGÚ naa haniís.

DABE 9:20

AAKOÓ MUNGÚ Aroni sleeme guna ló'wa i buúhh, nee guri gaasár wa slaá', aníng ngway aleefiriím sleeme qoomaadae.

DABE 9:8

Tam amoodár tloomár Horebuwo, kuungá' AAKOÓ MUNGÚ una buhhtisé', inós iri ló'wa buúhh tsaxwaá nuwa hhaamisi.

Ebrania 12:21

Muruudá' taa ár a muruú ló'wa dae tlaáq. Tam Mose iri oó', «Aníng aga ló'wa da'ayuút, tam nay daaraxaát.»