DABE 9:10 - Biblía Axweesantá Hhohho' ar Mungú 2004

¹⁰ Naagáy aluuwo AAKOÓ MUNGÚ parhheemaá tsár awa tlaa/e ngiri haniís, awa aa diitsarós ar gooín. Gár taa gawaadá' i gooín a axweesani sleémeero ar AAKOÓ MUNGÚ aa baraá asltá wa káh dír mukdá' aa burumburiit dír gamuú tlooma.

DABE 9:10 Iomraidhean Croise

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

Matayo 12:28

Ala aníng bar neetlaamér duxuúm ar Qeeruú Mungú, waawuti'iimár Mungú naa qaroó amorhúng i hardát.

Luka 11:20

Ala barnaxes aníng neetlaame a duxuúm ar /uuruú Mungú, waawuti'iimár Mungú naa amorhúng i hardát.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.

DABE 10:4

AAKOÓ MUNGÚ axweesanoó adór kuduú geera guri gawaá tlaa/eedá' parereehhayenií gooín, hara'aydudá' mibaangw, kudá' aa káh bál iwa gawaá tloomár wa axweés, baraá tla/ángw asla. Aluuwo AAKOÓ MUNGÚ tlaa/eedá' parereehhayen ngiri haniís.

DABE 18:16

«Gaarí an gadaádá' kuungá' taa baraá Horebúr wa firiindé' dír AAKOÓ MUNGÚ, Munguúhúng, baalaadá' tawa burumburité' tari oé', ‹Afór AAKOÓ MUNGÚ Munguúrén, mawa male axaasaán, laqaá tam asltá ur ar adór tiqá' mawa male araán as kahhó' mawa qatlaán.›

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.