DABE 9:1 - Biblía Axweesantá Hhohho' ar Mungú 2004

¹ «Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

DABE 9:1 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

DANIELI 4:11

Xa'anoodá' ina kumiít urarango, iri tlaáhh ló'wa ale. Tsitseeniwós niri hardihiyé' gawaá doori. Iri geehhooúy umuú diiro gawaá daanduú yaamuwo.

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 33:51

«Nee múk Israeli axweesé' ki beer, qoomár bár yaaér Yordani aga waarahhé', tari daté' baraá yaamaá Kana'ani,

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 11:23

Daqaní AAKOÓ MUNGÚ, xoordu sleémeero gi geeraahúng wa guus, kuungá' aalír xoorduudá' /uureemaá koomá' ta kuungae kari hayota'.

DABE 11:31

Kuungá' yaaér Yordani an waarahhá' tari datá' yaamuudá' AAKOÓ MUNGÚ, Munguúhúng naa haniís. Naagáy kuungá' yaamuudá' kiri alá' tari baraadá' wa hotá'.

DABE 27:2

Bál yaaér Yordani bara waarahhé', nee tari daté' baraá yaamaá AAKOÓ MUNGÚ, Munguúhúng ni haniisi, tlaa/aá uren ki sihhá' nee ki daandeemo ninkiritsá'.

DABE 3:18

«Qoomaadae ina kaangwí báw, ‹AAKOÓ MUNGÚ, Munguúhúng yaamuudaá bihhaá da/aáw awa yaaér Yordani ngaa kuungá' i haniís as tawa daqaari'iimarhúng. Hám daxta kuungá' awa miguuse dír tla/ángw hhaeehunge, xooslár slaqwara oohaak, yaaér Yordaniro geerií waaraahhé', dír hhaeehúng awa Israeliro.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:38

Inós xoordaá /uuruú koomá' nee awa uren ta kuungae gina geeraahúng wa guús as kuungá' nuwa baraadá' i huwi as yaamuuín tawa koohúng, an adoodá' hám i dirii'iya' tam ay laarí.

DABE 6:10

«AAKOÓ MUNGÚ, Munguúhúng adoodá' lo'o ngira /aáy dír baabi'iihúng Abrahamu, nee Isaka, nee Yakobo, inós kuungá' nu dahaas baraá yaamaá gixsadu uren nee hhohho', kudá' kuungá' taa tlehhi'iiká.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 1:11

«Tlawsé' waaraahhé' ar dír umuú xafto, nee muksíng ku beera', ‹Muruú /ayma amohhe'eesaak, asma alaá deelo tame yaaér Yordani a waarahhaán tawa data' baraá yaamuudá' AAKOÓ MUNGÚ Munguúhúng ni kuungií haniisi, as kiwa ala'.› »

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

YOSHUA 3:14

Muu iri tláy baraá xafay'ín wa ale as yaaér Yordani kawa waaraahhi, nee kaahamuuseedá' sandakmoó alqadór loohiis iri geeraá múk wa tleér.

YOSHUA 3:16

ma'aydá' gáwtá wa wa/amiimá' niri sihhiitiyé' adór ufa, niri saweesiyé' ay amór yaamaá Adam, iisaapoó gixsár Saretani. Qoomár yaae wa/amíngw amór Tlawtá Diwi nguwa meér, muu iri waaraáhh gayuú Yeriko.

YOSHUA 3:6

Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.

YOSHUA 4:5

guri báy, «Tlawsé', geeraá sandakmoó alqadór AAKOÓ MUNGÚ, Munguúhúng, i waaraahhaak, ay baraá yaaér Yordani. Umuúqo heewo dirhunge tlaa/anoó wák ngu taataahhi daanduú umuúqo tlahhoó Israeli wá ale, ngu gawaá suumarós i qaasi.