DABE 8:8 - Biblía Axweesantá Hhohho' ar Mungú 2004

⁸ Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

DABE 8:8 Iomraidhean Croise

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

2 SAMUELI 4:6

Tana dáh baraá do' tina adór múk balángw angaánoó slaá' tleehhír, Ishbosheti nguri gura' mutiyé' ar lawaala. Kár Rekabu nee Ba'ana hhiyaawós tari goów.

1 WAAWITÁ 5:11

Solomon Hiramu guri darama'aá kume mibeeri tsár awa aangaánií haniís nee darama'aá mibeeri tsár wa di/tá hhohho' ar seituúni. Muruuwí Solomon guna Hiramu i hanmiís umuú kurko.

2 WAAWITÁ 18:32

ay dír aníng kuungá' nuy huúw amór yaamaá saawá' awa adór koohúng kuká', yaamaá balaangw nee difaái, yaamaá mikaátér koomá' nee qamaá sabiiíbuuwo, yaamaá xaa'aá seituúni nee awa danér koomá', as daqaní kuungá' tawa hota', tawa baloó qatla'aaká. Hesekia kuungá' burnu al/agín, kuungá' mu iiárií qaasara' iwa kaahi: AAKOÓ MUNGÚ kuungá' nu ba/amis.

WARA'AMI 147:14

Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

ISAYA 7:23

Slám baalaadae qamaá sabiíbu awa kume kudá' tlaxor'ín kumuú wák oo shekeéli, nin deeli tleehhitiyá', fuquráy nee laqayaawo ngiri altlayá'.

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

YEREMIA 5:17

Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

ESEKIELI 27:17

Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

HOSEA 2:22

Yaamu balaangw nguri hamareesiyá', nee sabiíbuwo nee seituúniro, baraá xatstá Yesre'elír wa alé.

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

HABAKUKI 3:17

Geera tam /aantsí i laqwalkahe, laqaá tam sabiíbu i na/aá konkahe. Laqaá tam seituúni mamaá seituúni ngi laqwalindaakahe, tam qamu balaangw ngu hamaaremisiaakahe, nee tam bee/ángw baraá dito i faaki qatlooro, laqaá tam hikwa ni su'unsuu'utiia baraá slumto,

FAARO 13:23

Qoomár tawa hardáh baraá xatstá Eshkoli, halmír sabiíbu ar /aroó wák koom ngiri tsatiyé'. Múk tsár gari gagaár ar xa'ano. Nee mamaá komamaanga nee mamaá /antsihe ngiri huwiyé' sleeme.

Yohana 6:13

Parhheemaá naa meetiye' kiri burumbuúr, kudá' mukdá' aa /ayin aa meetiís gawaá mikaátér kooán wa ale ar puuruú shayiíri, katatoó mibaá nee tsár nguri hatsiisiyé'.

Yohana 6:9

«Garmaako niiná diirihe i deer. Inós mikaátér kooán ga kón, ar taa tleéhh ar puuruú shayiíri, nee siyoó tsár. Ala tí gár i bu' a milá dír múk yaariír kwihe?»

DABE 32:13

Inós gina gawaá gongoamár uhís, inooín balángw qamu nguri /ayé'. Inós gina danuú baraá mar'ór tsaqás, nee di/tá baraá tlaa/ár gawit kari /aáy.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

DABE 8:7

AAKOÓ MUNGÚ, Munguúhúng inós kuungá' nu dahaas baraá yaamuudá' hhoohhoo', yaamaá yau, nee tsinqaá ma'aay, nee kutloó ma'aay, kudá' ti'imiít baraá xatsoó wa aleeró, nee gawaá tlom'i.

DABE 8:9

Amoodaádae muruú /aymár yaariír u sleerá', nee kuungá' gár nuwa /aaruw i káhh. Tlaa/eewós i muqslár koná', nee gawaá tlom'iiwose muqslár sirda/atén an folitá'.