DABE 8:7 - Biblía Axweesantá Hhohho' ar Mungú 2004

⁷ AAKOÓ MUNGÚ, Munguúhúng inós kuungá' nu dahaas baraá yaamuudá' hhoohhoo', yaamaá yau, nee tsinqaá ma'aay, nee kutloó ma'aay, kudá' ti'imiít baraá xatsoó wa aleeró, nee gawaá tlom'i.

DABE 8:7 Iomraidhean Croise

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

2 WAAWITÁ 18:32

ay dír aníng kuungá' nuy huúw amór yaamaá saawá' awa adór koohúng kuká', yaamaá balaangw nee difaái, yaamaá mikaátér koomá' nee qamaá sabiiíbuuwo, yaamaá xaa'aá seituúni nee awa danér koomá', as daqaní kuungá' tawa hota', tawa baloó qatla'aaká. Hesekia kuungá' burnu al/agín, kuungá' mu iiárií qaasara' iwa kaahi: AAKOÓ MUNGÚ kuungá' nu ba/amis.

WARA'AMI 104:10

Kutli ana tléhh niwa ti'it baraá xatstá wa ale, nee luhuuín nina tleehharuutiyé' ar baraá tsirxadaá tlom'i,

WARA'AMI 106:24

Yaamuudá' hhoohhoo' ngiri waaqaaiyé', asma al'axweesantá Mungú nga haratlinti'ii'iiká.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

ISAYA 36:17

ay dír aníng nay hardah nuri huúw ay baraá yaamaá adór koohúng kuká'. Yaamaá balaangw iwa hamdiiti nee difaáiro, yaamaá angaáno nee qamaá sabiíbu kiwa sleera'.›

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

ESEKIELI 17:5

Aluuwo xa'anoó naa sangw ti'iit guri taataáhh baraá yaamaá múk Israeli wa aleeró, guri hátl dír xáw'uú koom, dír ma'aá yaariír koom.

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

DABE 8:6

Gawaá adoorihe, hara'ayár AAKOÓ MUNGÚ, Munguúhúng oohaak, as loohirós kawa eehada', nee inós kuwa ilaiwawa/a'.

DABE 8:8

Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

HAR'OHUUSE 18:10

Bar aga tleeré' múk hoót ar wayda nee saxareemo un i hardatá'. Yaamuudá' ki ur, asma a yaamaá Mungú naa dabaahúngií qaás. Umuúqo gaaro i deer, umuú gár dáw baraakaá yaamuwo i /aaruraaká.»