DABE 8:5 - Biblía Axweesantá Hhohho' ar Mungú 2004

⁵ Tí inslawaak adór AAKOÓ MUNGÚ, Munguúhúng kuungá' nura nanaáq adór baabá na/aywós ngur naanaqaaqan.

DABE 8:5 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

WARA'AMI 89:32

daqaní inooín aníng in muúx ar hhara asma tlakweema ngiwa tleehhiyé', nee in muúx ar qawaay as tlakweemaaín.

WARA'AMI 94:12

AAKOÓ MUNGÚ, heé amohhoó' a kudá' kuúng taa naanáq, kudá' dabeeroge ta intsaahhatís.

AXWEESANOÓ SAGALOOA 13:24

Heé na/aay slahhto gu sla'aaká na/aydá' gu slaiiká, Ala kudá' qwatsiingo gu slaá' gun harmagaahh.

AXWEESANOÓ SAGALOOA 3:11

Garmaaeé', kwitsaqastá AAKOÓ MUNGÚ ma waaqa'aar, nee naanaqtós ma slahh'amuú wá ara'araar.

AXWEESANOÓ SAGALOOA 3:12

Asma AAKOÓ MUNGÚ heé i slai gun naanaaq, adoodár xwaylitamó na/aywós kudá' i slai ngur naanaqan.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 18:28

Asma inós gár ganaa' gana aldaákw, nee tlakweemaawós giri máy, kwí aqo in tsuwa hoot, i gwaiiká.

1 Korinto 11:32

Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 8:6

Gawaá adoorihe, hara'ayár AAKOÓ MUNGÚ, Munguúhúng oohaak, as loohirós kawa eehada', nee inós kuwa ilaiwawa/a'.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.