DABE 8:18 - Biblía Axweesantá Hhohho' ar Mungú 2004

¹⁸ Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

DABE 8:18 Iomraidhean Croise

IIMU/UUNGW 32:14

Aaraá tsiire tsár nee gurtaawe mibeeri tsár, bee/aangw tsiire tsár, nee gwaandaawe mibeeri tsár,

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

2 QOM'I 25:9

Waawutmo Amasia heeduú Mungú guri yaahaás, «Adór ta /isaan asma peésár yaariir aga hanisaán dír slaqwaruusér múk Israeli?» Inós guri mu/aywaáts, «AAKOÓ MUNGÚ peésár tisíng ga baa/ ngi aleesláy haniisaro.»

WARA'AMI 144:1

AAKOÓ MUNGÚ ku xirfayeesi, inósuduú tlaa/ar'eé'. Aníng iga intsaahhatís slaqwaraaro, slaqwarár daba' nee ditsaawo.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

AXWEESANOÓ SAGALOOA 10:22

Tsuuqaá AAKOÓ MUNGÚ i daqaari'iimár huwahuwiyá', nee gár tlii/ ngi tsuuqaá al haniisiiká.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

YEREMIA 23:27

Ar tlataaín kukae gár ta tlehhiiti a muk'eé' ngun sage qwaareemisiyá', aníng iwa gunqareesiya', ar adoodá' baabi'ii'ín aníng ira gunqareesiyé', nee Ba'ali nguri haratlinti'iyé'.

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

DABE 26:10

Ala hám daxta AAKOÓ MUNGÚ nguna bu'úngw geeraá i huúw oo naa sláw baraá yaamuudá' naa aténí haniís wa ale.› «Naagáy lakwaanti kari yaamií qás dír geeraá AAKOÓ MUNGÚ, Munguúwók nee ta tumbararaa'át dirós.

DABE 6:11

Maraay muruú hhohhooe i hatsiyá' oo kuungá' taa qasi'iiká, hhaleeraá ma'aay awa kuungá' taa foli'iiká i dayá', nee qamaá sabiíbu nee awa seituúni, awa kuungá' taa dahasi'iiká i dayá'. Qoomár AAKOÓ MUNGÚ kuungá' burna dahaás baraá yaamuudá', muruú /aymár umuúqo daa'awto un /agá' tari axá'.

DABE 7:12

«Kuungá' kaahirí bara oté' ar ilakaahara, nee adoodá' kari tlehhé', AAKOÓ MUNGÚ, Munguúhúng alqadoorós ga oh daanduhunge, nee sla'aarirós ar warqawaaká ngin laqán, adoodá' aáng ngira lo'ór wa /aáy dír baabi'iihúng.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

DABE 8:1

«Hara'ayaarí naa dirhúngí hara'ayiím ooharo harmagahhaak, as kuungá' daqaní hota kiwa sleera' nee tawa tlahha', nee daqaní ta datá' baraá yaamuudá' AAKOÓ MUNGÚ aa lo'ór wa /aáy dír baabi'iihúng.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 7:2

AAKOÓ MUNGÚ Gideoni guri báy, «Múk kuúng ta koon ku ló'wa úr dir'eene baali ngiwa haniis dír múk Midianiwo. Aluuwo baraá múk Israeliwo hee miwa kilós oó', ‹Aníng tina tuú/ ar dakw'eé',› nee aníng iri gaárií xuiaaká.

1 SAMUELI 2:7

AAKOÓ MUNGÚ hee gun narkwií kwaahh, inós barakarka gari daqaari'itís, inós heeko gu niinawees kooko guri urees.