DABE 8:15 - Biblía Axweesantá Hhohho' ar Mungú 2004

¹⁵ Inós an kudá' kuungá' naa geerahaar baraá xaanxoó úr oo dae tlaaqa. Xaanxaydá' dayshér qarkú koom ga koóm nee xireeri, baraá yaamuudá' ma'aá kooma'aakahe. Inós ma'aay ngina baraá tlaa/ár gawít wa duúx.

DABE 8:15 Iomraidhean Croise

WARA'AMI 105:41

Tlaa/a gana ka'aás, ma'aay nay baraadá' wa ti'itiyé', ma'aay nina adór yaaér wa wa/iyé' baraá yaamaá xaanxaay.

WARA'AMI 114:8

kudá' tlaa/a ga kwatiít iri tlahhasár ma'aay tleehhít, tlaa/aá uren giri kutli tleehh.

WARA'AMI 136:16

Inós an kudá' mukós gwa geerahaar baraá xaanxaywo, Asma sla'aarirós i warqeeraaká ay alhhe'eesay wasle!

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 35:7

Hhasángw adór asla oo baraá xaanxaay iri tlawtá ma'aáy tleehhiit, nee yaamaá naa waxiitiye' niri kutltá ma'aay tleehhitiyá', didá' tawér i hooti ma'aay ngiri dalaa/iyá' tsaaráy ngiri alti'iit, tari adór daa'a.

ISAYA 43:19

Ga/aawaak, aníng muruú /abén u tleéhh muruuwí hám naa qaroó ti'iít, kuungá' ugwa aandi'iikáhe? Aníng loohi a tleéhh ar baraá tla/ángw darma, nee yau ngiri baraá xaanxáy wa wa/ás.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

HOSEA 13:5

Aníng kuungá' nuna amohhe'eemiís iimír baraá xaanxáy wa alé, baraá yaamaá kaahaar awa waxe.

FAARO 20:11

Naagáy Mose dakós guri gáwtí tleés, tlaa/a gari sagaáwa tsár wa slaáhh ar hhartós. Ma'aá yaariir niri wa/iyé', muu nee hikwaine niri wahiyé'.

FAARO 21:6

AAKOÓ MUNGÚ dayshér qarkú koom gari huúw baraá tla/ángw múkwí ale, múk yaariír oo Israeli kuri kikiíhh nee tari qaátl.

1 Korinto 10:4

Nee slám inooín sleémeero ma'aá qeeru awa taa wahán a wak. Asma inooín nina wahané' dír tlaa/adár qeeru, tidá' inooín gaa eehat. Nee tlaa/adá' an Kristo.

DABE 1:19

«Naagáy adoodá' AAKOÓ MUNGÚ, Munguúrén ngira oó', aaiirén ina iimu/uumaán iimír tloomár Horebúr wa tleemu, tari waarahhaán ar baraá xaanxaydá' úr kudá' dae tlaaq, kuungá' u xuá', tari waarahhaán ar loohidár yaamaá tlom'i awa múk Amori. Tawa hardahaán didá' ta bay, Kadesh-barnea,

DABE 32:13

Inós gina gawaá gongoamár uhís, inooín balángw qamu nguri /ayé'. Inós gina danuú baraá mar'ór tsaqás, nee di/tá baraá tlaa/ár gawit kari /aáy.