DABE 8:14 - Biblía Axweesantá Hhohho' ar Mungú 2004

¹⁴ ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

DABE 8:14 Iomraidhean Croise

2 WAAWITÁ 14:10

Hám daxta, kuúng Amasia, múk Edomu ugwa ló'wa bál, daxta hamí kuúng aga ló'wa daara/út. Tsiní xirfuú niiná ta sleér ar do'ók wa ar iwiteek. Ahaá a milá gár atayaá yaariir awa kuúng u hhaamiisá' dinkwa nee mukók kwisíng oo Yuda?»

2 WAAWITÁ 17:38

Laqaá alqadoodá' naa dirhúngí oó' ma gunqaaresara'. Munguaá hatlá' mi sluufmisuú awaara',

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

2 QOM'I 32:25

Ala Hesekia AAKOÓ MUNGÚ gwa sluufáy hanisiiká daanduú tí sleémeerowo, asma muunaáwós ina haáts daara/aango. AAKOÓ MUNGÚ inós guri i buúhh, nee múk Yudawo, nee múk Yerusalemúr hoota.

WARA'AMI 106:21

Munguúdá' gaa ba/amis ngwa gunqareesiyé', kudá' muruú waa/oo/amo gwa tleehh baraá Misrír wa ale,

WARA'AMI 78:7

As inooín Mungú kuwa harahhifor'ín i qaasi, tlehhma'aá Mungú mingiwa gunqareesiyé', ala hara'ayaarós ngi oohiye'.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 23:27

Ar tlataaín kukae gár ta tlehhiiti a muk'eé' ngun sage qwaareemisiyá', aníng iwa gunqareesiya', ar adoodá' baabi'ii'ín aníng ira gunqareesiyé', nee Ba'ali nguri haratlinti'iyé'.

DANIELI 11:12

Inós iri dara/uut as baalidá' aa sláy nee slaqwaruusedá' kumér yaariir ar /iya ngiwa tsuú/, ala baali sleemuuwo i baloó ki/iiká.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

DABE 17:20

Barnaxes inós aa daara/uutiiká iri hhaeewós waaqaqauú áy, laqaá barnaxes hara'ayaarí gaa si'iiká, tam adór niina, inós in kumamiit waawuti'iimaro nee na/iiwose baraá yaamaá Israeliwo.»

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 5:6

‹Aníng a AAKOÓ MUNGÚ, Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.›

DABE 6:11

Maraay muruú hhohhooe i hatsiyá' oo kuungá' taa qasi'iiká, hhaleeraá ma'aay awa kuungá' taa foli'iiká i dayá', nee qamaá sabiíbu nee awa seituúni, awa kuungá' taa dahasi'iiká i dayá'. Qoomár AAKOÓ MUNGÚ kuungá' burna dahaás baraá yaamuudá', muruú /aymár umuúqo daa'awto un /agá' tari axá'.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:13

qoomár hikwa, nee bee/angwhúng, nee sahaábuhúng nee peésarhúng, nee umuú gaaro tidá' ta koonda' bira doogiín,

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.